කොහොමද හැමෝටම, මේ අරගෙන එන්නෙ ඩිස්නි+ ස්ට්‍රිමින් නාලිකාවේ විකාශනය වෙන මැන්ඩලෝරියන් දෙවැනි කතා මාලාවේ දෙවැනි කතාංගය.

පසුගිය කතාංගයෙන්,
දැන් මැන්ඩොගේ හිතේ තියෙන්නෙ බේබි යෝඩව එයාගේ වර්ගයේ අයට බාර දෙන්න. මොකද මේ විධියට දිගටම මැන්ඩො එක්ක ගමන් කරන එක බේබි යෝඩට අනතුරුදායකයි. ඒත් විශ්වයේ සෑහෙන ප්‍රදේශයක යෝඩලගේ නිජබිමක් හෙව්වට මැන්ඩොට හමුවෙලා තිබ්බේ නැහැ. ඉතිං දැන් මැන්ඩොගේ අදහස තව මැන්ඩලෝරියන් කෙනෙක්ව හොයාගෙන එයාගේ සහයෙන් මේ වැඩේ කරන්න.

ඉතිං ඒ නිසා අපි දන්න කියන මැන්ඩලෝරියන් තව මැන්ඩලෝරියන් කෙනෙක්ව හොයාගෙන කරක් ගහනකොට ආරංචියක් ලැබෙනවා මිනිහා කලින් උන්නු ටැටුයින් ග්‍රහලෝකයේ මැන්ඩලෝරියන් කෙනෙක් ඉන්නවා කියල. පුදුමයට පත්වෙන අපේ මැන්ඩො ආයේ ටැටුයින්වලට යනවා. ටැටුයින්වල මොස් පෙල්ග්‍රෝ නගරයෙ තමයි මේ අලුත් මැන්ඩලෝරියන් ඉන්නවා කියල තොරතුරු ලැබෙන්නෙ. මතක ඇතිනේ අන්තිමේ එහෙ ගිහින් අපේ මැන්ඩොගේ බලාපොරොත්තු සේරම බිඳ වැටුන විධිය. අන්තිමේ මොස් පෙල්ග්‍රෝ කාන්තාරේ වැලි අස්සෙන් ඉන්න ක්‍රයට් මකරෙක්ව මරන්නත් සිද්දවෙනවා.

හැබැයි අන්තිම තප්පරේදී ඔයාලට අලුත් චරිතයක් දැකගන්න ලැබුන නේද? කාටවත් කියන්න එහෙම එපා. ඒ තවත් මැන්ඩලෝරියන් කෙනෙක් වෙන බෝබා ෆෙට් (Boba Fett). හැබැයි අපි දන්නෙ මැන්ඩො කෙනෙක්  තමන්ගේ සන්නාහය කවදාවත් ගලවන්නේ නැහැ කියලයි. ඒත් එක්කම පහුගිය කතාංගයෙ උන්නු මාෂල් ළඟ තිබ්බේ බෝබා ෆෙට්ගේ සන්නාහයට සමාන සන්නාහයක්. ඉදිරියේදී ඒ පැටලවිලි ටික නිරාකරණය වෙලා යාවි ඉතිං. 

අද කතාංගයෙන්,
අද අපේ මැන්ඩොට තවත් මැන්ඩො කෙනෙක් ඉන්න තැනක් දන්න කෙනෙක් ගැන ඔත්තුවක් ලැබෙනවා. ඒ විතරක් නම් මදැයි, උරග වර්ගයක් මේ ලෝකෙන් තුරන් වෙලා යන්නෙ නැතුව රැක ගන්න වගකීමකුත් මැන්ඩොගේ කරමත වැටෙනව. තව ටිකෙන් මැන්ඩොට ඒ වෙනුවෙන් ජිවිතයෙන් වන්දි ගෙවන්නත් වෙනවා. අද කොටස බලන්නකෝ ඔයාල. 

එහෙම නම් ලබන සුමානේ දෙවැනි සීසන් එකේ තුන්වැනි කතාංගයෙන්, මැන්ඩලෝරියන් සහ බේබි යෝඩා එක්ක මුණගැහෙමු. 🙂 😀

 

බයිස්කෝප් සිංහලෙන් නිල ෆේස්බුක් පේජය සමග එක්වීමට  මෙතනින් පිවිසෙන්න.

බයිස්කෝප් සිංහලෙන් නිල ෆේස්බුක් ගෘප් එක සමග එක්වීමට මෙතනින් පිවිසෙන්න.

 

 

 

 

Due to copyright issues, we no longer provide any torrent links.

ලබා දී ඇති උපසිරැසි WEB පිටපත් සඳහා පමණක් අදාළ වේ.

 

Subtitle Contributor Rank

ADMIN MEMBER
JOINING DATE – 2013-02-27
SUBMAKER RATING BY ADMINS