The Messengers [S01:E13] | අවසානය..? [සිංහල උපසිරසි සමඟ]

2015 අප්‍රේල් 15 වෙනිදා තමයි කතා මාලාවට සිංහල උපසිරැසි දෙන්න පටන් ගත්තේ. නමුත් මුල් කතාංග තුනෙන් පස්සේ කතාව කැන්සල් කරනවා කියලා අපිට දැනගන්න ලැබුනා. කොහොමත් කතාව මැදක් හරියට යද්දී, අපිටත් කතාව කම්මැලි තත්වයට පත්වුනා. ඒත් බලාගෙන ආපු එකේ “නිකමට හරි කමක් නෑ බලනවා” කියලා බලාගෙන ගියාට පස්සේ, කතාව සුපිරියටම නැගලා ගියා. ඒත් ඉතිං එතකොටත් කතාවට වෙන්න ඕනේ හරිය වෙලා ඉවරයි. 🙁 නමුත් පලමු සමයේ කතාංග 13ක් ඇතුලත් වෙනවා කියලා කලින්ම දැනුම් දීලා තිබුණා. ඒ අනුව ඔයාලා දන්නවා මේ තමයි The Messengers කතා මාලාවේ අවසාන කතාංගය කියලා.

කතා මාලාවේ අවසානය වුනත් ලිපියේ වැඩි යමක් සඳහන් කරන්න බලාපොරොත්තු වෙන්නේ නෑ. පසුගිය කතාංගයේදී කණ්ඩායමට අඩුවුනු පණිවුඩකරුවා එකතු කරගන්න හැකියාව ලැබුණා කියලා ඔයාලට මතක ඇති. ඒ වගේම තමයි එයාට තියෙන්නේ විද්‍යුත් ශක්තිය පාලනය කිරීමේ හැකියාව. මේ විදියට පණිවුඩකරුවන්ගේ කණ්ඩායම අවසානයේදී සම්පූර්ණ වුනාට පස්සේ මෙයාලට මොනවායින් මොනවා කරන්න පුළුවන් වේවි ද? ජෙනිසිස් මූලද්‍රව්‍යයෙන් ලොකු විනාශයක් කරලා 5 වෙනි මුද්‍රාව බිඳින්නයි අසරුවෝ 4 දෙනා සූදානම් වෙන්නේ. එයාලාට ජෙනිසිස් මූලද්‍රව්‍යයෙන් 5 වෙනි මුද්‍රාව බිඳින්න හැකියාව ලැබේවි ද? කතාව බලලම තමයි ඔයාලට ඒක දැනගන්න ලැබෙන්නේ.

දැන් අද කතාව නොබලපු හැමෝගේම හිතේ තියෙනවා ඇත්තේ, කතාව ඉවර වෙන්නේ එපා කරපු විදියකටද?, නැතිනම් යන්තම්වත් හොඳ විදියකින්ද? කියලා වෙන්න ඇති. 🙂 කොටින්ම කිව්වොත් කතාව බලන්න කලින් මගේ හිතේ තිබුනෙත් ඔය අදහසම තමයි. 😉 කොහොම නමුත් ඔයාලට කතාංග 13ක් පුරාවට උපසිරැසි දුන්නු අතරේ අදහසක් දක්වලා මගේ හිත සතුටු කරලා දිරිගන්වපු හැමෝටම මම ස්තුතිවන්ත වෙනවා. එහෙනම් අදින් මට මේ කතාමාලාවෙන් සමුගන්න අවසර…

ආයු -බෝ -වේවා !!! ☀

180 MB කොපිය මෙතනින් බාගන්න

317 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “ප්‍රණිත් රණසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<<Previous Episode                  All Episodes                      Next Episode >>