Friday , December 4 2020
Breaking News

The Odessa File (1974) Sinhala Subtitles | ඔඩෙස්සා ලිපිගොනුව [සිංහල උපසිරසි සමඟ]

Rating: 9.5/10. From 6 votes.
Please wait...

ආයුබෝවන්.. සුබ දවසක් බයිස්කෝප් යහළු යෙහෙලියන් හැමෝටම.

පුස්තකාලයෙන් අහම්බෙන් මට දවසක් පරිවර්තන පොතක් හම්බවෙනවා The Odessa File කියලා. පරිවර්ථක කවුද කියලා මට මතකයක් නැහැ. මං එක හුස්මට පොත කියෙව්වා. ඒ මතකය ටිකක් මගඇරිලා තියනකොට දවසක් මං අහම්බෙන් මේ නම දකිනවා. ඊට පස්සේ මං facebook හරහා පොත හොයන කොට ඒ හා සම්බන්ධ චිත්‍රපටය ගැන දැනගන්නවා. මේ දැන් අවුරුදු කීපයකට ඉස්සෙල්ලා හොඳේ. පස්සේ මං චිත්‍රපටය බලද්දි පොත ගැන මතකය අළුත් වෙන්න ගත්තා. හැබැයි පොත කියවද්දි මගේ හිතේ මැවුන රූප රාමු වලට කිට්ටු කරන්නවත් බැහැ හැබැයි. පොත කියවද්දි දැනුන රසය, චිත්‍රපටය බලද්දි දැනුනෙම නැති තරම්. සමහරවිට මං පොත කියවලා තිබ්බ හින්දද දන්නේ නෑ. කොහොම කොහොමහරි ඊයේ පෙරේදා මගේ චිත්‍රපට එකතුව බලද්දි ආපහු සැරයක් මට මේ චිත්‍රපටය හම්බවුනා. ඒත් තාමත් සිංහල සබ් නිකුත් වෙලා තිබ්බ නැති නිසා ඇඩ්මින් සහෝදර ශාන් විමුක්තිගේ අවසරයෙන් ඔන්න ඔයාලට The Odessa File චිත්‍රපටයේ සිංහල උපසිරසි අරගෙන ආවා. The Odessa File 1974

හිට්ලර්ගේ පාලන කාලයේ මිනීමරු SS බලඇණියක් සැබැවින්ම තිබිලා තියනවා. හිට්ලර්ගේ මිනීමරු පාලනය බිඳවැටෙද්දී එහි සිටි සෙබළුන් පසු කාලෙක ඔඩෙස්සා කියලා රහසිගත සමාජයක් පිහිටුවා ගන්නවා. මේමගින් SS සෙබළුන්ට අළුත් අනන්‍යතාවයක් ලැබෙන අතර ඔවුන්ගේ ජීවිත වලට හානියක් නොවී අළුත් ජීවිතයක් ගත කරන්න පුළුවන්. මේ අතරම ඔවුන් ආපහු සංවිධානය වෙන්නේ තම බලය ලොව පුරා පතුරවන්නයි. හරියටම ඇමරිකානු ජනාධිපති ජෝන් එෆ්. කෙනඩි ඝාතනය වන දවසේ බටහිර ජර්මනියේ හැම්බර්ග් වල තරුණ නිදහස් වාර්තාකරුවෙක් වෙන පීටර් මිලර් කාර් එකක යන ගමන් මේ පුවත අහනවා. එතනදි ඔහුගේ ළඟින් යන ගිලන් රථයක් සහ පොලිස් රථ නිසා මොහුත් ඒ පසුපස ඇදෙන්නේ පුවතක් ඇද්ද යනක්න සොයා බලන්නයි. ඒ වැඩිහිටි පුද්ගලයෙක් සිය දිවි නසාගෙනය. ඔහු යුදෙව් සමූල ඝාතනයෙන් දිවි ගලවා ගත් අයෙකි. පොලිස් නිළධාරියා මිලර්ගේ යහළුවෙක් බැවින් මියගිය පුද්ගලයාගේ දින පොතක් මිලර් අතට පත්වන අතර එහි එඩ්වඩ් රොෂ්මන් නමක් ද ඇත. ඉන්පසු මොහු රොෂ්මන් සොයා විමර්ෂනයක් අරඹන අතර එහිදී ඔඩෙස්සා යන සංවිධානය ගැනද දැනගන්නට ලැබෙනවා. අතරමගදී ඊශ්‍රායල නියෝජිත රැලකටද මැදි වන මිලර් අවසානයේ ඔවුන්ගේද සහය ඇතුව එඩ්වඩ් රොෂ්මන් සොයා යනවා. අවසානයේදී අපට දැනගන්නට ලැබෙන්නේ පීටර් මිලර්, එඩ්වඩ් රොෂ්මන් සොයා යන්නේ ඔහුට අවශ්‍ය ප්‍රවෘත්තියකට හෝ කතාවකට නොවන බවයි. ඇත්තටම පීටර් මිලර්ට, එඩ්වඩ් රොෂ්මන එතරම්ම වැදගත් වෙන්නේ ඇයි… පැනයට පිළිතුරු චිත්‍රපටයේ තියනවා.

1972 වසරේ Frederick Forsyth විසින් රචනා කරන The Odessa File පොත 1974 වසරේ The Odessa File චිත්‍රපටයක් ලෙස එලිදැක්වුණා. මෙහි පීටර් මිලර් ලෙස Jon Voightද, සිගී ලෙස Mary Tamm ද, රොෂ්මන් ලෙස Maximilian Schell ද ඇතුළු රංඟන ශිල්පීන් රැසක් රංඟනයෙන් දායක වෙනවා. චිත්‍රපටයේ තිරරචනය Kenneth Ross සහ George Markstein ගෙනි. නිෂ්පාදනය John Woolf සහ John R. Sloan වන අතර අධ්‍යක්ෂණය Ronald Neame විසිනි. කැමරාව Oswald Morris වන අතර සංස්කරණය Ralph Kemplen සහ සංගීතය Andrew Lloyd Webber ගෙනි. චිත්‍රපටය ආරම්භයේදීම ලස්සන නත්තල් ගීතයක්ද අහන්න පුළුවන්. විනාඩි 128 පුරා දිවෙන මෙම චිත්‍රපටය 1974 ඔක්තෝබර් 18 වන දින තිරගත වීම ආරම්භවුනි. මේ චිත්‍රපටය සඳහා IMDb 7.0ක අගයක් ලැබී ඇති අතර Rotten Tomatoes 64%ක අගයක් ලැබී ඇත. ගූගල් පරිශීලිකයන්ගෙන් 89%ක කැමැත්තද මේ සඳහා ලැබී ඇත.

එහෙනම් අදට මං ගිහින් එන්නම්. ආපහු දවසක මේ වගේම තවත් චිත්‍රපටයකට සිංහල සබ් අරන් එනකන් ඔයාල හැමෝටම නිරෝගිමත් සුබ දවසක් වේවා…

~ ජය වේවා ~

 

 

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ රොෂාන් ශමීර ජයසිංහ ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2019-03-30
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

Banshee [S04 : E01] Sinhala Subtitles | හැමදේම වෙනස් වෙලා [සිංහල උපසිරසි සමඟ] (18+)

කොහොම හරි බැන්ෂී අන්තිම සීසන් එකටත් අපි ආවා. කලින් සීසන් තුන එක දිගට දුන්නා වගේම …

Leave a Reply

Your email address will not be published.

12 comments

  1. Thanks for sub!

  2. jason and the argonauts 1963 චිත්‍රපටියටත් පුලුවන්නම් සබ් දෙන්න බ්‍රෝ

  3. බොහොම ස්තූතියි සිංහල උපසිරැසියට. ජය෴෴ 😛 😛

  4. සබ් එකට බොහොම ස්තූතියි සහෝ….!
    පුලුවන්නම් ෆෙඩ්‍රික් ෆෝසයිත්ගෙ පොත් වලින් හදපු අනිත් ෆිල්ම් වලටත් සබ් දෙන්න.
    බොහොම ස්තූතියි මේවගේ ෆිල්ම් වලට සබ් දෙන්න තෝර ගන්නවට…

  5. සුපිරිම ෆිලුමක් තව මේ වගේ ෆිල්ම් ටිකක් දෙන්න…පරන ඒව
    ජය වේවා…

  6. Buddhika Lakmal

    thanks for the sub machan

  7. රොෂාන් ශමීර ජයසිංහ සොයුර,
    සබ් එක ඩවුන්ලෝඩ් කළා බලන්නට.මම ඔබේ තෝරාගැනීම් අගය කරනා කෙනෙක්. නරඹලා අදහසක් දක්වන්නම්, ස්තුතියි ඔබේ වෙහෙසට!

  8. This Book translate to Sinhala by Abhaya Hewawasam. Hitler’s SS Army, Publishers are Suriya Publishers.

  9. බොහොම අපූරු කතාවක් ඒ ගැන නම් කියන්න වචන නෑ ෆෙඩ්‍රික් ෆොසයිත් ලියපු හැම පොතක් ම හරිම අපූරුයි ඒ අතරින් මේපොත විශේෂයි. පොතට වඩා ච්ත්‍රපටය පොඩ්ඩක් වෙනස් ඒ උනාට ලොකු බලපෑමක් නෑ මට තේරෙන විදිහට. ජර්මානුවෙක් වෙච්ච මිලර් තවත් ජර්මානුවෙක් පස්සේ පන්නන්නේ ඇයි කියක එක තේරෙන්න අන්තිම පිටු දෙක තුන තුලදී එච්චර අපූරුවට මේ කතාව ගොඩ නගලා තියනවා. කතාව මැදදී මෙකට හේතුව තියනවා නමුත් අන්තිම වෙනකල් ඒක තේරෙන්නේ නෑ. මේ ච්ත්‍රපටය බලන්න ඉන් පසු පොත කියවන්න පුස්තකල වල මේ පොත තියනවා. මම දන්න තරමින් නම් මේ තියෙන්නේ හැබෑ සිද්දි යොදාගෙන කරපු ප්‍රබන්දයක්. බොහෝම ස්තූතියි මේ චිත්‍රපටයට සබ ගෙනාපු එකට. ජයවේවා

  10. thanks..

  11. Thank you සබ් එකට 🙂 🙂 ..
    Jason and the Argonauts (1963) film එකටත් සබ් දෙනවද 🙂

error: Alert: Content is protected !!