The Thing (2011) with Sinhala Subtitle | පිටසක්වලින් ආ “දේ”. [සිංහල උපසිරැසි සමඟ]

එන්.විජිත අසංක වන මගේ විසි හත්වැනි උපසිරැසි නිර්මාණය ඉක්මනටම අරන් එන්න පුළුවන් වුනා. 2011 වසරෙදි තිරගත වුනු Horror, Mystery, Sci-Fi වර්ගයේ ෆිල්ම් එකක් තමයි මේ පාර තෝරගත්තෙ. මේ චිත්‍රපටිය IMDB වල රේටින්ග්ස් 6.2 ක් ලබාගන්න සමත් වෙලා තියෙනවා. මිනිත්තු 103 ක් පුරා දිවෙන මේ ෆිල්ම් එක අධ්‍යක්ෂණය කරලා තියෙන්නෙ Matthijs van Heijningen Jr. නම් අධ්‍යක්ෂවරයා විසිනුයි.

මේ චිත්‍රපටියෙ ප්‍රධාන චරිතය රඟපාන්නෙ Final Destination 3, Live Free or Die Hard, Abraham Lincoln: Vampire Hunter වැනි සුප්‍රසිද්ධ චිත්‍රපටිවල රඟපාන Mary Elizabeth Winstead නම් නිළියයි. ඊට අමතරව Joel Edgerton, Ulrich Thomsen, Adewale Akinnuoye-Agbaje වැනි නළුවන් රාශියක් මෙහි රඟපානවා.

මේක පිටසක්වල ජීවින් සම්බන්ධ කථාවක් නිසා කට්ටියට ආසාවෙන් බලන්න පුළුවන් වෙයි. කථාව ආරම්භ වෙන්නෙ එක්තරා කණ්ඩායමක් ඇන්ටාක්ටිකාවෙ හිම කන්දක් යට තිබ්බ පිටසක්වල යානාවක් සොයාගන්නවත් එක්කයි. ඉතිං මේ යානාව ගැන ගවේෂණය කරන්න කණ්ඩායමක් එහෙට යනවා. ඒ කණ්ඩායමට යම් “දෙයක්” හම්බ වෙනවා. ඒ “දේ” ගැන තමයි මේ චිත්‍රපටයෙන් කියවෙන්නෙ. ඉතිං ඒ “දේ” මොකද්ද කියලා දැනගන්න නම් මේ චිත්‍රපටිය නරඹන්නම වෙනවා. නරඹලා ඉවර වෙලා සබ් එක ගැන ඔයාලගෙ කමෙන්ට් එකක් දාන්න අමතක කරන්නත් එපා කියලා මතක් කරනවා.

මගේ මේ සබ් එකත් පළකිරීම ගැන බයිස්කෝප් ටීම් එකට ස්තූති කරනවා. ආයෙත් තව ෆිල්ම් එකක සබ් එකක් එක්ක ඉක්මනින්ම හමුවෙමු. එතෙක් ආයුබෝවන්….!

කලින් පලවු ලිපිය..

මගේ මතකය අතිතය කරා දිවයයි. එනම් මට මේ වෙබ් අඩවියට ලිපි ලිවිමට අරාධනා ලද මොහොත වෙත. රොයිලි සහොගෙන් ලද එම අරාධනාවේ එක්තරා අහිංසක ඉල්ලිමක් විය. එය නම් සිනමා කෘති අංශය බාරගෙන ඒ සදහා වැඩි ලිපි ප්‍රමානයක් එවිමට කටයුතු කරන ලෙසයි. ඉතින් තවමත් ඒ අඩුපාඩුව එලෙසම පවතින බැවින් වසර අග පැමිනි මේ සිනමා කෘතිය වෙත වැඩි අවදානයක් ලබාදිමට සිතුවෙමි. සිනමා කෘතිය ගැන පැවසිමට ප්‍රථම මා හිතවත් වාසල සහොවත් මතක් කිරිමට සිතුනි. හොඳයි, මේක Horror වුනාට ටිකක් විද්‍යා ප්‍රබන්ධ පැත්තටත් බරයි. මොකද මෙකේ සිදුවන්නෙ විද්‍යා පරික්ෂණයක්, ඒකයි.

මේ සිනමා කෘතිය නැවත නිපදවන ලද්දක් ලෙසද හැඳින්විය හැක. මෙහි මුල් නිශ්පාදනය 1982 වසරෙ සිදුවුවකි. IMDB 6.5 ප්‍රමානය කරා ලගා වි ඇති මෙම නිර්මාණය සඳහා රංගන දායකත්වය Mary Elizabeth Winstead ලබාදෙයි. ඇය මිට ඉහතදි Live Free or Die Hard හී දියණියගේ චරිතයත්, Scott Pilgrim vs. the World හි පෙම්වතිය ලෙසත් අප හඳුනාගන්නා ලදි. එමෙන්ම මෙහි ඇඩම්ගෙ චරිතයට පනපොවන නළු Eric Christian Olsen, Fired Up හරහා අප හඳුනාගෙන ඇත.

කතාව පිටසක්වලට සම්බන්ධයි. එක්තරා පරික්ෂකයන් පිරිසක් එක්තරා යානයක් සොයාගනියි. මේ පරික්ෂකයන් කවුරුන්ද, යානය කුමක්ද කියලා දැනගන්න නම් මේ සිනමා නිර්මාණය නරඹන්නම වෙනවා. මේ යානය කඩා වැටුනු තැනට මිටර් කිපයක් එහායින් තවත් යමක් මොවුනට හමුවෙනවා. ඒ අයිස් මත හිරවුනු සිරුරක්. මේ සිරුර කගෙද, එය රහසක්. හැබැයි මිනිත්තු 20ක් විතර කතාව Skip කලාම දැන් මේ සිරුරට පණ ඇවිල්ලා තවත් මිනිත්තු 10 විතර Skip කලාහම මරණයන් 2ක්, එක සිරුරක් මිනිසෙකුගෙ, අනෙක? හ්ම්ම්ම් හ්ම් හ් එතැන් සිට සිදුවන දේ තමයි මේ චිත්‍රපටියේ අන්තර්ගතය. මිත්‍රවරුනේ ඔබලට මේක බලන්නම වෙනවා ඉදිරියට වෙන දේ දැනගන්න. මේ සිනමා කෘතියේ අවසාන වන තැන සිදුවන ඝාතනය නිවරදිද, නැතහොත් වැරදිද ඔබ ඒක බලලාම තිරණය කරන්න.

මේ ලිපියේ සම්පූර්ණ අයිතිය Mangala(KOK\විෂ්) සොහොයුරා සතු වන අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

701 MB (BR) කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “එන්.විජිත අසංක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.