The Town (2010) with Sinhala Subtitles | කොල්ල කරුවන්ගේ නගරය [සිංහල උපසිරැසි සමඟ]

බෙන් ඇෆ්ලෙක් මූලික චරිතයක් රඟපාමින් අධියූරවූ (directed) මේ බයිස්කෝපුව IMDB වර්ගකිරීම් 7.8 ලබා ගෙන ඉහළ ප්‍රේක්‍ෂක ප්‍රතිචාර ලැබුවකි. එබැවින් එයට උපසිරැසි දැමීමට ඉඩක් ලැබීමද මා හට සතුටකි. එය කෙතෙක් සාර්ථකද යන්න තීරණය කෙරෙන්නේ ඔබ විසිනි. මෙයට උපශිරැසි දැමීමට ගොස් මා මහත් අමාරුවක වැටුණ බව නම් කිව යුතුමය. මක් නිසාද යත්, මෙහි දෙබස් වලින් 75% ක්ම නොසරුප් බස් ය. සැබෑ රසය දීමට නම් තිත්ත කුණු හරුප ලිවිය යුතු බවක් සිතුනද එසේ නොකළ බවද කිව යුතුය. ඒ වගේම ඔය හැමෝම දන්නවා නොවැ බෙන් ඇෆ්ලෙක් ගේ රඟපෑම් ගැන, මතක් කර ගන්න DareDevil එහෙම, අති විශිෂ්ටයි නේද?. ඒ එක්කම අර The Prestige හි නිළිය රෙබෙකා හෝල් මෙහි බොහොම සිත්ගන්නා සුළු රඟපෑමක යෙදෙනවා. මෙය 2004 නවකතාවක් වන Prince of Thieves උපයෝගී කොට ගෙන බෙන් ඇෆ්ලෙක්ම හදපු චිත්‍රපටියක්. එහෙනම් ඉතිං සාරාංශයක් කියන්නම්.

චාර්ල්ස් ටවුන් කියන්නේ මංකොල්ල වලට ම පරසිද්ධ වුණ නඟරයක්. මංකොල්ලෙන් පස්සේ උහුණට සිත් සේ ඉඳීමට පරිසරයක් මේ වටපිටාවේ තිබෙනවා. මේ වගේ හොරු කණ්ඩායමක් තමයි, ඩොග් මැක්රේ, ජෙම්ස් කෞහ්ලින්, ඇල්බර්ට් ග්ලොන්සි මැග්ළොන් සහ ඩෙස්මන්ඩ් එල්ඩන්. මේ අතරින් ඩොග් සහ ජෙම් අතර වෙසෙසි මිතුරු දමක් තියෙනවා, තරමක සහෝදරයෝ වගේ. ඒත් මේ සේරම වෙනස් වෙන්නේ එක මංකොල්ලයකින් පසුව. මං කොල්ල කෑමට ලක් වුණ බැංකුවක කළමනාකාරියක් වන ක්ලෙයාර් සමඟ ඩොග් පෙමෙන් බැඳෙනවා. නමුත් ක්ලෙයාර් දන්නෙ නැහැ ඇය පෙමෙන් වෙලී සිටින්නේ ඇයව මංකොල්ල කෑ පල්හොරුන් ගේ නායකයා සමඟ බව. ඉතිං බයිස්කෝප් එක බලන්න, ඇය මේ සබැඳිව හොයා ගනියිද, පොලිසිය හොරුන්ව අල්ලා ගනියිද, සහ තවත් කුතුහලය දෙන බොහෝ දේ මොනවද කියලා දැන ගන්න. ආහ් තව එකක් මේකේ අමුතුම වචන සහ රූප game එකක් තියෙනවා. බයිස්කෝප් එක බලලා පුළුවන් නම් කියන්න, ඇයි ඩොග් බෑග් එකට ක්ලෙයාර් ට ජමනාරං ගෙඩියක් දාලා තියෙන්නේ කියලා. ඒක නම් හරිම අපූරුයි. ඒ එක්කම උපසිරැසි හොඳද නරකද කියලත් කියන්න.

Due to copyright issues, we do not provide any torrent link.

මෙම ලබා දී ඇති උපසිරැසි DVD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “වා.මු. නිලන්ත පියසිරි” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2010/09/28