Friday , October 23 2020
Breaking News

The Umbrella Academy [S01 : E01] Sinhala Subtitles | සහෝදර සහෝදරියන්ගේ නැවත මුණ ගැසීම [සිංහල උපසිරසි සමඟ]

Rating: 9.3/10. From 22 votes.
Please wait...

ආයෙත් මම සිංහල උපසිරැසියක් අරගෙන එන්නයි මේ හදන්නේ. ඔන්න මාත් අළුත් වැඩක් පටන්ගත්තා. මීට කලින් දුන්නේ චිත්‍රපටනේ. ඉතිං ඔන්න මමත් කතා මාලාවකට උපසිරැසි දෙන්නයි මේ සූදානම් වෙන්නේ. මුලින්ම අපි මේකට පාදක වුණ දේවල් ගැන කතා කරමු.

දැන් චිත්‍රපට, රූපවාහිනී කතාමාලා ප්‍රේක්ෂකයන්ට කොමික් පාදක කරගත් නිර්මාණ අළුත් දෙයක් නෙවෙයිනේ. මොකද දැන් ඒ සංකල්පය ගොඩක් ප්‍රසිද්ධයි. ඉතිං ඔය නිර්මාණ ගැන කතා කරද්දී ඉස්සෙල්ලාම අපිට මතක් වෙන්නේ Marvel සහ DC. මොකද ඇවෙන්ජර්ස්, එක්ස්- මෙන් වගේම ජස්ටිස් ලීග්, ටීන් ටයිටන්ස් වගේ චරිත ලෝකයේ බාල මහළු කා අතරත් හරිම ප්‍රසිද්ධයි. ඒත් මීට අමතරව කොමික් ආයතන රාශියක්ම තියෙනවා. ඔයාලට මතක ඇති Sabrina කතා මාලාව. ඔයාලා දැනටමත් දන්නවා ඇති ඒකත් කොමික් පාදක කරගත් නිර්මාණයක් බව. ඒක අයිති වෙන්නේ Archie (ආර්චි) කොමික් වලට. ඉතිං අද අරගෙන එන මේ කතාවත් කොමික් කතාවක්. ඔයාලා දන්නවා ඇති හෙල්බෝයි චරිතය. අන්න ඒ චරිතය අයිති වෙන ආයතනයටම තමා මේ Umbrella Academy ත් අයත් වෙන්නේ. ඉතිං මේ දෙක අයත් වෙන ආයතනය තමා Dark Horse කොමික් කියන්නේ. ඉතිං අන්න ඒක පාදක කරගෙන තමා Umbrella Academy වෙබ් සීරීස් එක නිර්මාණය කරලා තියෙන්නේ.

මේකෙ ඉතිහාසය ගැන බලනකොට මේක ඇවිත් තියෙන්නේ සය ඈඳුම් ලිමිටඩ් සීරිස් එකක් විදිහට. මේකේ නිර්මාණකරුවා තමයි ජෙරාඩ් වේ. සඳහන් වෙලා තියෙන විදිහට The Umbrella Academy: Apocalypse Suit #1 චිත්‍ර කතාවෙන් තමයි පළවෙනියටම මේ චරිත පෙල හඳුන්වා දීලා තිබෙන්නේ.

මේ කතාව තුළ එක ප්‍රධාන චරිතයක් නෙවෙයි, චරිත පෙළක්ම ඉන්නවා. ඊට කලින් මේ චරිත එකතුවෙන්නේ කොහොමද කියලා කියල ඉන්නම්. 1989 ඔක්තෝබර් පළමුවැනිදා මධ්‍යහනයෙදී ලොව වටා ළමුන් 43 ක් උපත ලබනවා. ඒකෙත් විශේෂත්වයක් තියෙනවා. කතාව ස්පොයිල් වෙන නිසා ඒක නොකියා ඉන්නම්. ඒ වගේම මේ ළමයින්ට එක එක බලයන් තියෙනවා. සර් රෙජිනල්ඩ් හාර්ග්‍රීව්ස් කියන ධනවතා විසින් මේ ළමුන්ව එකතු කරනවා. කොහොම කොහොම හරි ලෝකෙ වටේ ගිහින් ළමයි හත් දෙනෙක් එකතු කරගෙන The Umbrella Academy කියන සුපිරි විර කණ්ඩායම පටන් ගන්නවා. හාර්ග්‍රිව්ස් මේ ළමයින්ව පොඩි කාලේ ඉඳන්ම නපුරට එරෙහිව සටන් කරන්න පුහුණු කරනවා. ඕකෙන් තමා මේ ඇකැඩමිය ආරම්බ වෙන්නේ. ඕක තමා මූලික කතාව. දැන් ටිකක් චරිත ගැන බලමු.

රෙජිනල්ඩ් හාර්ග්‍රීව්ස් (Monocle)

රෙජිනල් හාර්ග්‍රීව්ස් කියන්නේ විද්‍යාඥයෙක්. කොමික් වලට අනුව නම් මෙයාට පිටසක්වළ සම්බවයක් තියෙනවා මෙයාට. මෙයා ධනවතෙක් ඒ වගේම මෙයා චිම්පන්සියෙක් මගින් කළ පරිඛ්ෂණයක් නිසා නොබෙල් ත්‍යාගය දිනා ගත් කෙනෙක්. ලොව වටා විශේෂ හැකියා සහිත ළමුන් ඉපදුනාට පස්සේ මෙයා ඒ ළමයිව එකතු කරනවා. ඉතිං එකතු කරගත් හත්දෙනාගෙන් මෙයා Umbrella Academy එක පටන් ගන්නවා. නමුත් කතාව බලද්දී ඔයාලට තේරෙයි මෙයා ළමයින්ව බලාගත්තට මෙයා එයාලට දැඩි පුද්ගලයෙක් වුණා කියලා. තවත් විශේෂ කරුණක් මෙයා තමා ළමයින්ව අංක වලින් හැඳින්වීම. ඒකට හේතුවක් තියෙනවා. ඒක තමයි එයා ළමයින්ව එයාට ප්‍රයෝජනවත් විදිහට තමා අංක කරලා තියෙන්නේ. ඒත් ඇත්තටම වෙලා තියෙන්නේ අඩු බලයන් සිට වැඩි බලයන් දක්වා පිළිවෙලට අංක ගත කිරීමයි. ඉතිං මොනොකල් කියන්නෙත් ඉතා වැදගත් චරිතයක්, මොකද ඇකැඩමිය ගොඩනැගීම සහ සහෝදර සහෝදරියන්ව නැවත මුණගැස්වීම නිසා.

01. ලූතර් (Spaceboy)

 

පළමුවැනි කෙනා තමයි ලූතර්. එහෙමත් නැත්තම් ස්පේස්බෝයි කියන්නේ. මෙයා තමා කණ්ඩායමේ නායකයා. මෙයා පොඩි කාලේ ඉඳන් අසාමාන්‍යය විදිහට ශක්තිමත්. ඉතිං ඒක තමා මෙයාගේ බලය වෙන්නෙත්. ඉතිං මෙයාට එක් මෙහෙයුමකදී අනතුරක් වෙනවා. ඒක ප්‍රතිකාර කිරීමේදී මෙයාට යම් කිසි දෙයක් වෙනවා. ඒකං 3 සහ 4 එපිසෝඩ් වලදී කතා කරන නිසා මං ඒ ගැන වෙන මොකුත් සඳහන් කරන්න යන්නෙ නෑ. ඉතිං එයාගෙ ඇකැඩමියත් එක්ක තිබුණ වැඩ අවසන් වුණාම ලූතර් සඳට ගිහින් ජීවත් වෙන්න තීරණය කරනවා. ඕක තමා අංක එකගේ කතාව.

 

 

 

02. දියේගෝ (The Kraken)

 

 

මෙයා තමා කණ්ඩායමේ ඉන්න අමාරු කාරයා. මෙයාගේ බලය තමයි පිහි හැසිරවීම. පිහියක් විසිකරලා මෙයාට අසාමාන්‍යය විදිහට පාලනය කරන්න පුළුවන්. මෙයාට තියෙන්නෙ නායකයා වෙන පිස්සුව. ඒ නිසා මෙයා ලූතර්ගේ අණ කිරීම් එහෙම පිළිගන්නෙ නැහැ. කොමික්වලදී මෙයාගෙ තරුණ කාලෙ බෑන්ඩ් එකක ඉඳලා තියෙනවා. ඒ වගේම මෙයාගෙ පෙම්වතිය තමා යුඩෝරා පැච්. යුඩෝරත් මේ කතාමාලාවේ ඉන්න බව මතක් කරන්න ඕනේ.

 

 

 

 

03. ඇලිසන් (Rumor)

 

අංක තුන තමා ඇලිසන්. මෙයාට මිනිස්සු වශී කරන්න පුළුවන්. නැත්නම් ඇත්තක් කියලා යතාර්තය වෙනස් කරන්න පුළුවන් කිවුවොත් වඩා නිවැරදියි. මෙයා ඇකඩිමියෙන් පස්සේ රංගනයට එළඹෙනවා. පස්සේ කාලෙකදී මෙයා පැට්‍රික් කියන පුද්ගලයත් විවාහ වෙනවා. මෙයාගෙ දුව නමින් ක්ලෙයා. නමුත් පැට්‍රික් වෙන්වුණාට පස්සෙ ක්ලෙයා මෙයාට අහිමි වෙනවා. ඉස්සර ඉඳන්ම ඇලිසන් හිත යටින් ස්පේස්බෝයිට ආදරේ කරනවා. ඒත් ස්පේස්බෝයිගෙ රහස නිසා ඔහු ඒකට කැමතිවෙන්නෙ නැහැ. ඇලිසන්ගෙ කතාව ඕක තමයි. වැඩිය කියන්න යන්නෙ නැහැ කතාව ස්පොයිල් වෙයි කියලා.

 

 

 

04. ක්ලවුස් (The Seance)

 

ක්ලවුස් තමයි කතාවෙ විහිළු කාරයා. එයාගෙ බලය තමයි ඔහුට මියගිය අයත් එක්ක කතා කරන්න පුළුවන්. නමුත් ඔහු මත්ද්‍රව්‍යවලට ඇබ්බැහි වෙනවා. ඒ නිසා එයාගෙ බලයන් වැඩ කරන්නෙ එයා හොද සිහියෙන් ඉද්දි විතරයි. ඒ වගේම මෙයාගේ අත් දෙකේ අල්ලේ Hello (කොහොමද) සහ Goodbye (සුබ ගමන්) කියලා පච්ච කොටලා තියෙනවා. පොන්ගෝ (මෙයා ගැන පස්සෙ කොටසකදී කියන්නම්) කියන විදිහට මෙයා තරුණ කාලෙමයි මත්ද්‍රව්‍ය වලට ඇබ්බැහි වෙලා තියෙන්නෙ. කල්වුස්ට පුළුවන් මැරුණ අයව දකින්නත් එයාලට කතා කරන්නත්. හදිස්සියෙවත් එයාල වෙන භාෂාවක් කතා කලොත්, මෙයාට ඉබේම ඒක කතා කරන්න පුළුවන් වෙනවා. හැමවෙලේම කතා කරන කෙනෙක්ට උදාහරණයක් තමා බෙන්. ඕවා තමයි මෙයා ගැන ලියන්න තියෙන්නෙ.

 

05. නම්බර් ෆයිව් (The Boy)

ඇකැඩමියේ තවත් චරිතයක් තමා ෆයිව්, නැත්තම් පහ කියන්නේ. මෙයාට නමක් නැහැ. ඒකයි මෙයාට ෆයිව් කියන්නේ. මෙයා අවුරුදු දහ තුනේදී අතුරුදන් වෙනවා. ඒක වෙන්නෙ මෙහෙමයි. ෆයිව්ට තියෙන බලය තමා ටෙලිපෝර්ට් වීම. ටෙලිපෝර්ට් කියන්නේ එක් තැනක ඉඳන් තව තැනකට බොහෝම ඉක්මණින් අවකාශය හරහා ගමන් කරන එක බව ගොඩක් අය දන්නවා ඇති. ඉතිං මෙයා හිතුවක්කාරකමට කාලය හරහා යන්න උත්සහ කරනවා. ඒක හරිගිහිල්ලා මෙයාට අවුරුදු දාහතක් අනාගතයට යන්න පුළුවන් වෙනවා. ඒත් මෙයාට ගිය විදිහට ආයෙත් එන්න බැරිවෙලා අනාගතයේ හිර වෙනවා. ඒත් ඒක ගොඩක් නරක අතට හැරෙන දේකුත් අනාගතේ තියෙනවා. ඒක අද කොටසෙන්ම දැනගන්න පුළුවන් නිසා මං ඒ ගැන ලියන්නෙ නැහැ. පහ කියන්නෙ කතාවේ මොල කාරයා. ඒ වගේම ගොඩක් හිතුවක්කාරයි. ඒ නිසාම තමා මෙයා අනාගතේට ගිහින් හිරවෙන්නෙත්. ඉතිං මේ සීරීස් එකෙත් ෆයිව් කැපී පෙනෙන චරිතයක්.

06. බෙන් හාර්ග්‍රීව්ස් (The Horror)

මෙයාගෙ බලය තමා එයාගෙ හම යටින් තියෙන තවත් මානයකින් වෙනත් රාක්ෂයින් ගෙන්නන්න පුලුවන්. ඒක කියන්නේ Upside Down එකට යන දොර මෙයාගෙ ශරීරය වගේ සිද්දියක්. කතාව හැටියට මෙයා මිය ගිහින්. ඒ නිසා බෙන්ව දකින්න ලැබෙන්නේ ක්ලවුස්ගේ විෂන් එකෙන් විතරයි. මෙයා මැරුණ හැටි ගැන තවම සඳහනක් නෑ. ඉතිං ඒ වගේම මෙයාව සිහිපත් කරන්න අම්බ්‍රෙල්ලා ඇකැඩමියේ පිළිමයක් හදලා තියෙනවා.

07. වන්යා (White Violin)

 

 

කණ්ඩායමෙන් හුඟක්ම වෙනස් කෙනා තමයි වන්යා. කතාවෙත් (දැනට) වන්යාට කිසිම බලයක් නෑ. ඒ නිසා හාර්ග්‍රීව්ස් මෙයාට පොඩි කාලෙත් අනිත් අයත් එක්ක සටන් කරන්න දීලා නෑ. ඒ නිසා අනිත් අයගෙන් වෙන් වුණ චරිතයක්. මෙයා ස්වයං චරිතාපදානයක් ලියනවා. ඒකෙන් හුඟක් ඇකැඩමියේ රහස් එලියට ඇවිල්ලා කියලා අනිත් අය නම් කියන්නේ. මෙයා වෘත්තියෙන් වයලින් වාදන ශිල්පිනියක්. ඉතිං වන්යා ගැන තව තොරතුරු ලියන්න යන්නෑ මං. මොකද කොමික් පැත්ත කතා කරලා කතාව Spoil කරන එක හොඳ නෑනේ.

 

 

 

පෝගෝ

ඒ වගේම පෝගෝ කියන වානරයා ගැනත් කතා නොකරම බැහැ. පෝගෝ කියන්නෙ සර් රෙජිනල්ඩ් හාර්ග්‍රීව්ස් විසින් කළ නිර්මාණයක්. මෙයාගේ විශේෂත්වය තමා මේ චිම්පන්සියට කතා කරන්න පුලුවන්. ඒ වගේම තනිකරම, පෙනුම හැරුණු කොට, මනුස්සයෙක්ම තමා.

මේක එසේ මෙසේ කතාවක් නෙවෙයි. මේක විකාශය වුණේ අපි කවුරුත් ආදරේ කරන Netflix ස්ට්‍රීමිං සර්විස් එකේ. නෙට්ෆ්ලික්ස් කතා ගැන ආයේ වෙනම කියන්නන් ඕනේ නෑනේ. Stranger Things වගේ කතා බලපු අය නම් දන්නවා ඇති මේකෙ වෙබ් සීරීස් කොහොමද කියලා. ඉතිං මේක රිලීස් කළේ මේ අවුරුද්දේ පෙබරවාරි මාසේ. මං මේ ලිපිය ලියන මේ මොහොත වෙද්දී මේ වෙබ් කතාවට IMDb එකේ 65050 ක් තරම් වූ ප්‍රේක්ෂකයින්ගේ ඡන්දයෙන් 8.1 ක් තරම් දැවැන්ත අගයක් ලැබිලා තියෙනවා. මේක අයිති වෙන්නේ TV-14 ඛාණ්ඩයට. Action, Adventure, Comedy, Drama, Fantasy ගනයට වැටෙන මේ සීරීස් එක Jeremy Slater විසිනුයි නිර්මාණය කරලා තියෙන්නේ. ධාවන කාලය විනාඩි 60 ක් තරම්. ඒ වගේම සම්මානයකටත් නිර්දේශ වෙලා තියෙන්නෙ. ඒ වගේම කතාමාලාවේ විශිෂටත්වය කොහොමද කියනව නම් මේ වෙද්දී දෙවෙනි අදියරටත් මේ කතා මාලාව රීනිව් කරලා ඉවරයි.

කතා මාලාවේ නළු නිලියන් චරිත වලට දායක වෙන්නේ මේ විදිහටයි. වන්යා විදිහට Ellen Page ද, ලූතර් ලෙස Tom Hopper ද, දියේගෝ ලෙස David Castaneda ද, ඇලිසන් ලෙස Emmy Raver- Lampman ද, ක්ලවුස් ලෙස Robert Sheehan ද, ෆයිව් ලෙස Aidan Gallagher ද, චා- චා සහ හේසල් ලෙස පිළිවෙලින් Mary J. Blige සහ Cammeron Britton යන ලෙසයි. ඒ වගේම මේකෙ ඉන්න පෝගෝ ලෙස Adam Godley දායක වෙනවා.

ඉතිං අද කොටස වෙන්වෙලා තියෙන්නේ හුඟක්ම චරිත හඳුන්වා දෙන්නයි. ඒ වගේම කතාව සිද්ද වෙන්නෙත් මෙහෙමයි. මේ වෙද්දී ඇකැඩමියේ පිරිස තැන් තැන් වල විසිරිලා. බෙන් මේ වෙද්දී මිය ගිහින්. ෆයිව් අතුරුදන් වෙලා. ඇකැඩමිය අවසන් වෙලා වගේ පේන්නේ. ඒත් නොසිතූ විදිහට සහෝදර සහෝදරියන්ට ආයෙත් මුණ ගැහෙන්න වෙනවා. ඒ ඇයි කියලා කතාව බලලම දැනගන්න. ඉතිං අද ඉඳන් කොටස් කිහිපයක් පුරා නවම වූ අත්දැකීමක් ලබාගන්න සූදානම් වෙන්න.

ඉතිං තවමත් මේ කතාව බලනවද නැද්ද කියල හිත හිත ඉන්නව නම් කියන්න තියෙන්නේ ට්‍රේලර් එක බලන්න කියලා. මොකද ට්‍රේලර් එක බලපු ගමන්ම දෙසරයක් හිතන් නැතිව සීසන් එකම බාගන්න හිතෙයි.😉 ඒ වගේම මේ සීසන් එකම සබ් කරන්නෙ මං. ඒ නිසා පුළුවන් ඉක්මණින්ම සබ් ගේන්න බලන්නනම්. ඒ වගේම අදහසකුත් පල කරගෙන යන්න. ඔබේ කමෙන්ට් එකෙන් තමා අපිට අඩු පාඩු දැනගෙන ඒවා හදාගන්න පුළුවන්. දැන් ඉතිං ඔය මදෑ…? ලිපිය ලියවල මහන්සිත් ඇතිනේ?😀 දැන් ඉතිං කතාව බාගෙන බලමු. එහෙනම් මං ගිහින් එන්නම්. ඊළඟ කොටසින් ආයෙත් හමුවෙමු.

අද කොටස:- We Only See Each Other At Weddings Or Funerals
IMDb අගය:- 8.0
ධාවන කාලය:- විනාඩි 59
අධ්‍යක්ෂණය:- Peter Hoar
විකාශය වූ දිනය:- 2019 පෙබරවාරි 15

සුබ දවසක්…!

 

 

ඒ වගේම දැනුම් දීමක් කරන්න තියෙනවා අපේ නවතම බයිස්කෝප් සිංහලෙන් වෙබ් අඩවිය වෙනුවෙන් නිර්මාණය කල ෆේස්බුක් පිටුව ගැන. මොකක් හෝ අහේතුවකට 130,000 අධික ලයික් ප්‍රමාණයකින් යුතු අපේ ෆේස්බුක් පිටුව මීට සති දෙකකට කලින් මකා දමා තිබෙනවා. ඒ වෙනුවෙන් අපි නැවත ෆේස්බුක් පිටුවක් ආරම්භකොට තිබෙනවා. මුහුනුපොත තුල උපසිරැසි පළකිරීම් ගැන දැනුවත් වෙන්න ඒ පිටුව සමහ මෙතනින් එක්වෙන ලෙසින් හැමෝටම ආරාධනා කරනවා.

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “ සචින්ත කල්හාර බෙනට් ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2017-12-12
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

All BT1

Next BT1

Check Also

DC Showcase: Jonah Hex (2010), Sgt. Rock (2019), Death (2019), Adam Strange (2020) Sinhala Subtitles | ඩීසි සිනමා විශ්වයෙ කෙටි-චිත්‍රපට එකතුවක් [සිංහල උපසිරැසි සමඟ]

2010 වසරේ ඉදන් DC ආයතනය යටතේ DC Showcase නමින් පටන් ගත්ත කෙටි ඇනිමේෂන් චිත්‍රපට නිකුත් …

Leave a Reply

Your email address will not be published.

19 comments

  1. Season 2 ektt sub dynko raththarane

  2. navidu bimsara atulugama

    season 2 ekatath sub oneeee

  3. oke season 2 ekata sub denna

  4. chinthaka.max4

    thankx

  5. බොහොම ස්තූතියි සිංහල උපසිරැසියට. ජය෴෴ 😛 😛

  6. Digtama demu❤️

  7. දිල්ශාන් සචින්ත

    නියමයි මල්ලි දිගටම සබ් දෙමු. ජය

  8. Digatama sub denna.. thanx

    • නියමයි..!!! Season 2 එකේ sub එකත් ඉක්මනින් ඕනේ…!! ජයවේවා..!

  9. Sugala Deshani

    Trailer බැලුවට පස්සේ අසාවක් අවා try කරලා බලන්න​ series එක​
    Thank you උපසිරසියට​

  10. Thanks for Subtitle…………
    Jayawewa………..!!!!!!!!!!!!!!!

  11. මයිකි

    තැන්ක්ස් මචො ඔන්න මමත් බලන්න පටන් ගත්තා , ටක් ගලා ඉවර කරමු

    • සචින්ත කල්හාර බෙනට්

      ඉවර කරලා තියෙන්නේ, සහෝ. සයිට් එකෙන් දිගටම සබ් ටික පළ වේවි. දිගටම රැඳිලා ඉන්න.☺

  12. Thank You

  13. නියමයි….සබ් එකට තැන්ක්ස්….

  14. සිංහල උපසිරැසියට ස්තූතියි සහෝ

  15. malithmadhushan45

    බොහොම ස්තුතියි මලේ ඉක්මනට දෙන්න අනිත් එපි ටිකත් කතාව කියෙවුවා ඉවසිල්ලක් නැ බලනකන් ජය වේවා

  16. Hashan M. Priyadarshana

    බොහොම ස්තුතියි සබ් එකට 🙂 🙂 … දිගටම සබ් දෙන්න..
    ජය වේවා.!

error: Alert: Content is protected !!