Three Kings (1999) Sinhala Subtitles | රජ තුන් කට්ටුව… [සිංහල උපසිරසි]

ආයුබෝවන්.. සුබ දවසක් හැමෝටම..

පහුගිය දවස් ටිකේ චුට්ටක් විතර වැඩ වැඩිවුන නිසා අඩවිය පැත්තට එන්නත් බැරි වුනා. හිස් අතින් ඇවිල්ලත් බෑනේ. ඒ නිසා මේ චිත්‍රපටයේ සිංහල උපසිරසිය ඉඩක් ලැබුන ගමන් ටික ටික කරන්න පටන් ගත්තා. ඒ අතරේ විමුක්ති සහෝදරයාගේ ඉල්ලීමකට Trollhunters: Rise of the Titans චිත්‍රපටයටත් උපසිරසි අරගෙන ආවා. තව සුබ ආරංචියක් කියන්නත් තියනවා. The Innocent කතා මාලාව ඔයාල බලන්න ඇති. ඒ කතා මාලාවට උපසිරසි ගෙනාපු මමත් ඇතුළු සහෝදර කණ්ඩායම තවත් වැඩකට අත ගහලා තියනවා. ඒ තවත් අපූරු තුර්කි කතා මාලාවක්. ඒකේ වැඩකටයුතුත් අවසාන අදියරේ තමයි තියෙන්නේ. ළඟදීම ඔයාලට ඒ කතා මාලාවත් රසවිඳින්න පුළුවන්.

ඉතින් ඔන්න සුපුරුදු විදිහට තවත් 90 දශකයේ අග තිරගත වුන ටිකක් පැරණි චිත්‍රපටයකට සිංහල උපසිරසිය අරගෙන ආවා.

Three Kings (1999)

ගල්ෆ් යුද්ධය අවසන් වනවාත් සමඟම ඉරාකයේ සදාම් හුසේන්ට එරෙහිව කැරලිකරුවන්ගේ නැගිටීමක් සිද්ද වෙනවා. ඒ අතර යුද්ධය අවසානයේ හමුදා වෙත බාර වෙන මිනිසකු මගින් සදාම් හුසේන් කුවේටයෙන් සොරකම් කල රත්තරන් පිළිබඳව දැනගන්න ලැබෙනවා. මේ රත්තරන් තොගය කාටත් හොරෙන් ඇමරිකානු සෙබලුන් හතර දෙනෙක් අරගන්න හදන උත්සහයත්, ඒ අතරින් මතුවන මනුස්සකමත් මේ චිත්‍රපටයෙන් දිගහැරෙනවා..

John Ridley ගේ කතාවට තිර රචනය හා අධ්‍යක්ෂණය David O. Russell විසිනි. නිෂ්පාදනය Charles Roven සහ Paul Junger Witt සමගින් Edward L. McDonnell විසිනි. මේජර් ආචි ගේට්ස් ලෙස George Clooney, ට්‍රෝයි බාර්ලෝ ලෙස Mark Wahlberg, චීෆ් ලෙස Ice Cube චිත්‍රපටයේ ප්‍රධාන රංගනයෙන් දායක වන අතර, මීට අමතරව Spike Jonze, Nora Dunn, Jamie Kennedy, Mykelti Williamson, Cliff Curtis, Saïd Taghmaoui ඇතුළු රැසක් රංගනයෙන් දායක වේ. 1999 ඔක්තෝඹර් 01 වන දා එක්සත් ජනපදයේත් 2000 වසරේ ජනවාරි 13 වන දා ඕස්ට්‍රේලියාවේත් මෙම චිත්‍රපටය තිරගත වීම ආරම්භ කර ඇත.

විනාඩි 114ක ධාවන කාලයකින් යුත් මෙම චිත්‍රපටය සඳහා IMDb දර්ශකයේ 7.1 ක්, Rotten Tomatoes 94% ක් සහ Google පරිශීලිකයින්ගෙන් 83%ක කැමැත්ත ලැබී ඇත. චිත්‍රපටයේ නිෂ්පාදන පිරිවැය ඇ.ඩොලර් මිලියන 48 ක් පමණ වන අතර බොක්ස් ඔෆීස් ආදායම ඇ.ඩොලර් මිලියන 107.7ක් පමණ වේ.

එහෙනම් අදට මං ගිහින් එන්නම්. ආපහු දවසක මේ වගේම තවත් චිත්‍රපටයකට සිංහල උපසිරසියක් අරන් එනකන් ඔයාල හැමෝටම නිරෝගිමත් සුව දවසක් වේවා…

~ ජය වේවා ~

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ රොෂාන් ශමීර ජයසිංහ ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2019-03-30
SUB-MAKER RATING BY ADMINS