Tuesday , August 3 2021
Breaking News

Timeless [S01 : E06] with Sinhala Subtitles | රිටන්හවුස් [සිංහල උපසිරැසි සමඟ]

Rating: 9.8/10. From 6 votes.
Please wait...

Timeless TV-1

ඔන්න ඉතින් අදත් 6 වෙනි අරගෙන ආවා. ගිය සතියෙ කොටසක් අවෙත් නැති ඉන්දයි ඊට කලින් සතියෙ වැඩි දෙයක් කියන්න ලැබුනෙ නැති හින්දයි නිසා 4 සහා 5 කොටස් දෙකම ගැන විස්තරයක් කලා. සමහර අයටනම් කතාව අවුල් වගේ නේද? ඒකනෙ කොමෙන්ට් එහෙමත් අඩු. හරි එහෙනං කලින් කොටස් දෙක ටිකක් මතක් කරගෙන ඉන්නකො.

4 වෙනි කොටසින්

කොහොමහරි ජියා හොයාගන්නවා ෆ්ලින් වර්තමානයේ කොහෙද මව් යානය හංහගෙන ඉන්නෙ කියලා. ඒ නිසා ෆ්ලින්ව අල්ලගන්න කණ්ඩායමක් පිටත් කරලා අරිනවා. ඒ වෙනකොටත් ඇන්තනි ලොකු වැඩක යෙදිලයි ඉන්නෙ. ඔය අතරෙ තමයි කණ්ඩායමක් එන්නෙ ෆ්ලින්ව අල්ලගන්න. ඒ ඉතින් එතනදිත් කට්ටියට ෆ්ලින්වනම් අල්ල ගන්න බැරිවෙනවා. මොකද එයා එතනිනුත් පැන ගන්නවා. හැබැයි න්‍යෂ්ටි බෝම්බයත් අරගෙනම තමයි ගිහින් තියෙන්නෙ. ඒත් තාම කවුරුත් දන්නෙ නැ එයා මේකෙන් මොනවද කරන්න යන්නෙ කියලා. ඔය අතරෙ තමයි රූෆස් වායට්ට කතා කරලා කියන්නෙ ෆ්ලින් ජර්මනියට, 1944 දෙසැම්බර් 9 වෙනිදට ගිහින් කියලා. හැබැයි 1945 වෙනකන් එක්සත් නපදය ඒ බෝම්බ පිළිබදව වැඩ පටන්ගෙන තිබිලා නැ. ඉතින් මෙයාලා හිතනවා යුද්ධය නතර කරන්න ෆ්ලින් මේ බෝම්බය නාසීන් අතට තමයි දෙන්න යන්නෙ කියලා. කොහොමහරි ලුසි එක තැබෑරුමක් ගැන හොයා ගන්නවා 1944 තිබුන. ඒක තමයි මිත්‍ර පාර්ශික විරෝධතා කරුවන් රැස්වුන ස්ථානය. ඉතින් කට්ටියම ආපහු පාරක් ඉතිහාසයේ ආපස්සට ගමනක් යනවා. මෙයාලා එහෙදි කොහොමහරි මේ තැබෑරුම හොයා ගන්නවා. ඒත් එතනදි මෙයාලට කැප්ටන් කෙනෙක් හම්බවෙනවා. එයා ලුසීවයි වායට්වයි වෙන තැනකට එක්කගෙන යනවා. ආයි ඉතින් කියන්න ඕනෙ නෑනෙ වායට් ඕන දේකට රෙඩි කියලා. ඇතුලට ගිය ගමන් එකිනෙකාට තුවක්කු දික් කරගන්නවා. ඒත් බලද්දි තමයි තේරුණෙ මේ කැප්ටන් මිත්‍ර පාර්ශික කෙනෙක් කියලා. ඔය අස්සෙ තමයි රූෆස් කාරයත් ඇතුලට කඩා පාත්වෙලා හෙන විකාරයක් නටන්නෙ. හැබැයි පොර එනකොට සේරම විසදිලා. ඔය අතරෙ තමයි ලුසි මේ කැප්ටන්ගෙන් අහන්නෙ ඔහුගෙ නම මොකක්ද කියලා. එයා නම කියපු ගමන් කට්ටියම තක්කු මුක්කු වෙලා යනවා. මොකද එයාගෙ නම තමයි ඉයන් ෆ්ලෙමින්. ඒ කියන්නෙ ජේම්ස් බොන්ඩ් කතාව ලියපු කෙනා.

ඉතින් කට්ටියම ඉයන්ට මෙයාලා හොයන දේ ගැන ලොකු පැහැදිලි කිරීමක් කරනවා. ඒ කියන්නෙ න්‍යෂ්ටි බෝම්බය ගැන. ඉතින් ඒකෙන් කරන්න පුළුවන් විනාශය ගැන ඇහුවාම ඉයන් තක්කු මුක්කු වෙලා යනවා. මොකද ඒ න්‍යෂ්ටික බෝම්බය රොකට් එක්කට හයි කරලා බෙල්ජියමටයි පහර දෙන්න හදන්නෙ. ඉයන් කියන විදිහට රෑ ප්‍රදර්ශනයක් තියෙනවා මේ බෝම්බයේ දියත් වෙන විදිහ නරබන්න. ඉතින් වායට් කියන්නෙ ඉයන්ට පුළුවන්නම් එයාලවඑතනට එක්ක යන්න රූෆස්ට පුළුවන් වෙයි කියලයි ඒක නිශ්ක්‍රිය කරලා දාන්න. ඒකත් ඒ කියපු ලෙසටම වුනත් කට්ටිය රොකට් එක ලග යනකොටත් න්‍යෂ්ටික බෝම්බය එතනට ගෙනත් නැ. ඔය අස්සෙ තමයි ෆ්ලින් එතනට පාත් වෙන්නෙ. ඔයාලා දන්නවනෙ වායට් බලන් ඉන්නෙ ෆ්ලින්ව ඉවරයක් කරලා දාන්න කියලා. ඉතින් මෙයාට මෙතනදි අවස්ථාවක් ලැබෙනවා ෆ්ලින්ට වෙඩි තියන්න. ඒත් ඒ අවස්ථාව ලුසි නිසා අහිමි වෙනවා. මොකද එයා ඒක නතර කරනවා. වෙන දෙයක් හින්දා නෙවෙයි ඉතිහාසයට ගොඩක් වටින මනුස්සයෙක් ෆ්ලින් ලගින් ඉන්න නිසා. ඒතමයි වෙනහර් වොන් බ්‍රෝන්. ඔහු හදට යන එක වගේ ගොඩක් විශේෂ දේවල් වලට අවශ්‍ය පුද්ගලයෙක්. ඒ නිසයි ලුසී වායට්ට වෙඩි තියන්න දෙන්නෙ නැත්තෙ.

කොහොමහරි වාද විවාද අවසානයෙ ලුසියි ඉයනුයි මාලිගාවෙ තියෙන උත්සවේට යනවා. ඒ අතරෙ වායට් සහා රූෆස් රොකට් එක නිෂ්ක්‍රිය කරන්න යනවා. මාලිගාවෙදි ලුසීට ඒ මාලිගාව ගැන පොඩි දෙයක් සිහියට ආවත් ඒක හරි හැටි තේරුම් යන්නෙ නැ. ඔය අතරෙ තමයි වොන් බ්‍රෝන් සාදයට එන්නෙ. ඉතින් ඉයන් කියනවා ලුසීට වොන්ව කතාවට අල්ලගන්න කියලා. එතනට යද්දිම තමයි ෆ්ලින් ලුසීව අල්ලගන්නෙ. ඉතින් හැමෝම දන්නවනෙ ඕකට ඕනෙ ඉතිහාසය කන්න කියලා. එතනදි තමයි ලුසීට ෆ්ලින් මේ කාලයට ආව හේතුව දැනගන්න ලැබෙන්නෙ. මූ මෙහාට ඇවිත් තියෙන්නෙ න්‍යෂ්ටික බෝම්බය සම්බන්ධ දේකට නෙවෙයි. මූ ඇවිත් තියෙන්නෙ වොන් බ්‍රෝන්ව අල්ලගන්න. ඒත් මරන්න නෙවෙයි. මනුස්සයව රුසියානුවන්ට බාර දෙන්න. එතකොට හිතා ගන්න හැකිනෙ ඇමරිකාවට වෙන වින්නැහිය. සීතල යුද්ධය දිනන එක, මුලින්ම හදට යන එක, පවා වෙනස් වෙනවා එතකොට. ඒකෙන් ඉතිහාසය සෑහෙන්න වෙනස් වීමක් වෙනවා. ඒක වොන් බ්‍රෝන්ව ඝාතනය කරනවටත් වඩා දරුණු දෙයක්. එතකොටම තමයි ඉයන් ඔතෙන්නට එන්නෙ. ඒත් වැඩක් වෙන්නෙ නැ. මේ දෙන්නම අල්ලා හිර කරනවා. ඕක වායට් එලියෙ ඉදලා බලද්දි දකිනවා. ඉතින් වායට් සහා රූෆස් රොකට් එක නිෂ්ක්‍රිය කරනවා වෙනුවට ඒක එතනම පුපුරවලා ලුසීව බේරගන්න එනවා. එතකොටත් ඉයන් එයාගෙ රසස් තුවක්කුවෙන් දෙන්නෙක් ඉවර කරලා.

එතනින් පැන ගන්න ගියත් ලුසීට වොන් බ්‍රෝන්ව බේර ගන්න ඕනෙ වෙනවා. ඉතින් මේ අය එයාවත් අරගෙන පැනලා යන්න හැදුවත් එක කාමරේක හොදටම හිර වෙනවා. ඔය දේවල් අතරෙ තමයි අපේ ඉයන් ෆ්ලෙමින්ග්ට වොන්ව මරන්න ඕනෙ වෙන්නෙ. මොකද මූ හදපු රොකට් හින්දා ඉයන්ගෙ සහෝදරයා ඔහුට අහිමි වුන නිසා. ඒත් ඉතින් වායට්ගෙ මැදිහත් වීමෙන් ඒක නතර වෙනවා. ඉතින් මේ අයට පැනලා යන්න තැනක් කොහෙත්ම නැ. ඒ අස්සෙ ෆ්ලින් එලියෙන් දොර කඩන් එන්න හදනවා. ඒ අතරෙ තමයි ලුසීට මේ මාලිගාවෙ තියෙන විශේෂත්වය මතක් වෙන්නෙ. මොකද මේ මාලිගාව උපං ජාලයකින් පිරුණ මාලිගයක්. කට්ටියම උමං වලින් පැනලා ගිහින් බේරෙනවා අවසානයේදි.

ඉතින් තවත් අසාර්ථක මෙහෙයුමකින් පස්සෙ මේ අය එයාලගෙ කාලයට ආපහු එනවා. ආවම තමයි තේරෙන්නෙ දේවල් තවත් අවුල් වෙලා කියලා. මොකද කිව්වොත් ජේම්ස් බොන්ඩ් කතාව පවා වෙනස් වෙලා. ඒ කතාවෙ ලුසි, වායට්, වගේම රූෆස් ගැනත් ඉයන් ෆ්ලෙමින්ග් කියලා තියෙනවා. ඒ කියන්නෙ කතාව වෙනස් වෙලා.

අවසාන වෙනකොට තමයි තේරෙන්නෙ ෆ්ලින් මොකටද න්‍යෂ්ටියක් හොරකම් කලේ කියලා. මොකද කිව්වොත් එයා ඒක පාවිච්චි කරලා ඇන්තනීට කියලා බැට්ට්‍රියක් නිර්මාණය කරගෙන අවුරුදු 300ක් චාර්ජ් නොකර පාවිච්චි කරන්න පුළුවන්. ඉතින් මෙයාල ඒක මව් යානයට හයි කරනවා. ඉතින් මේ අයට ආයි මව් යානය චාර්ජ් කරන්න ඕනෙ කමක් නැ. තාමත් තේරෙන්නෙ නැත්තෙ ඇයි මේසන් රූෆස්ට කියලා වායට් සහා ලුසී කතා වෙන ඒව පටිගත් කරන්නෙ කියලයි. හැබැයි ඉතින් මේකට රූෆස්නම් ටිකක්වත් කැමති වෙන්නෙ නැ. ඒක එහෙම වෙනකොට ලුසී ඒටන්ට් ක්‍රිස්ටෝපර් එක්ක පැටලෙන්නෙ. ලුසී කියන්නෙ එයාගෙ නංගිව ආපහු ඕනෙ වගේම ඉතිහාසය තිබුණ විදියටම ආපහු හදන්න ඕනෙ කියලා. නැත්නම් එයා මේකෙන් අයින් වෙලා යනවා කියලා. ඕව සේරම අහවර වෙලා රූෆස් ගෙදර යන ගමන් ඉන්නකොට මෙයාගෙ වාහනේ එක පාරටම නතර වෙනවා. වෙනවා නෙවෙයි නතර කරනවා. ඒ තමයි රිටන්හවුස් නමින් හදුන්වන අය. ඒ අය රූෆස්ට කියන්නෙ සද්ද නොකර එයාලට සහයෝගය නොදැක්කුවොත් එයාට වගේම පවුලෙ අයටත් ලොකු කරදර වෙයි කියලා. ඔයව් විදිහට තමයි හතරවෙනි කොටස ඉවරවුනේ.

5 වෙනි කොටසින්

රූෆස්ට වෙච්ච දේ හින්දා මනුස්සයා හෙන අවුලෙන් තමයි ඉන්නෙ. ඒ නිසා මෙයා මේසන්ටත් දොස් කියනවා. ඔය අතරෙ තමයි නියෝජිත ක්‍රිස්ටෝපර් වායට්ට කතා කරන්නෙ. ඒ එයාගෙ ලොක්කත් එක්ක. මෙයාලා වායට්ට කතා කරන්නෙ එයාව මේ මෙහෙයුමෙන් අයින් කරලා ඒ වෙනුවට වෙන කෙනෙක් දාන්න තීරණය කලා කියන්නයි. මොකද කිව්වොත් වායට්ට තාම බැරිවුනා ෆ්ලින්ව මරලා දාන්න. ඒක තමයි මෙයාව අයින් කරලා වෙන කෙනෙක්ව ගන්න හේතුව. ඔය අතරෙ තමයි සමාගමේ අය හොයාගන්නෙ ෆ්ලින් ආයිමත් කාලය හරහා ගිහින් කියලා. ඒ 1836 මාර්තු දෙවනිදට. ඉතින් ඒ නිසා වායට්ට තම එක වතාවක් කාලය හරහා යන්න ලැබෙනවා.

මේ වැඩේට හැමෝම ඕනෙ වෙනවනෙ. ඒ හින්දා ලුසිත් රෑම ගෙදරින් පිට වෙන්න හදනකොට එයාගෙ අම්මත් එක්ක පොඩි වලියකුත් දා ගන්නවා. කොහොමහරි කට්ටියම යන්න ලෑස්තියි. වායට්නම් මේ පාර ගේමට හොද ලෑස්ති පිට තමයි යන්නෙ. ෆ්ලින්නම් මේ වෙනකොටත් ඕන කරනතැනට ගිහින් අහවරයි. එයා ජෙනරල් සැන්ටා ඇනාව හම්බවෙනවා ඒ දෙවන ඉසබෙල් රැජින එවපු කෙනෙක් හැටියට. ෆ්ලින් හදන්නෙ මේ ජෙනරාල්ට සහයෝගය දෙන්න කැරැල්ල මැඩ පවත්වන්න. ඒ කියන්නෙ මෙයා සහයෝගය දෙන්නෙ සතුරු හමුදාවට. ඔය අතරෙ ලුසි එහෙමත් මේ කාලයට එනවා. ඉතින් එයාලා ගිහින් අනික් පැත්තෙ ඉන්න ජිම් බුවි කියලා කෙනෙක්ගෙන් ෆ්ලින් ගැන විස්තර අහනවා. ඉතින් මේ අය එහෙම කෙනෙක් දැකලා නැ. වායට් සහා කට්ටිය මේ කදවුරේ හැම තැනම ෆ්ලින්ව හොයන අතරෙ තමයි වායට්ට දේවල් පෙන්න ගන්නෙ. ඒ එයා හමුදාවෙ ඉන්න කාලෙ වුන දේවල්. ඔය අතරෙ තමයි ෆ්ලින් මේ කදවුරේ ඉන්න කර්නල් ට්‍රැවිස්ව හම්බවෙන්න එන්නෙ. ඒ නිකන් නෙවෙයි එයාව මරලා දාන්න. ඒකත් එයා හරියට කරනවා. හැබැයි මේ කර්නල් කොහොමත් මැරෙන්න උන්න කෙනෙක්. නමුත් මෙයාව ෆ්ලින් ඇවිත් කලින්ම මරලා දාන්නෙ මෙයා ලියන ලියුම නතර කරන්න ඕනෙ නිසයි. ඒ ලියුම ලියුවොත් තමයි මේ අයට මේ යුද්ධෙ ජය ගන්න පුළුවන් වෙන්නෙ. ලියුම නැතුව මේ අයට උදව් කොහොමත් ලැබෙන්නෙ නැ. ඒ කියන්නෙ යුද්ධෙ පරාදයි. ෆ්ලින් කරන්න ආව දේ හරියටම වෙනවා.

ඒත් ෆ්ලින්ටත් ටිකක් විතර වරදිනවා. හරිනම් ජෙනරාල් සැන්ටා ඇනා පහර දෙන්න කලින් අනික් කදවුරේ ඉන්න ගැහැණුන්ට සහා ළමයින්ට කදවුරෙන් පිට වෙන්න දැනවා. ඒත් ෆ්ලින් කරපු දෙයක් හින්දා ඒක වෙන්න නැ. ෆ්ලින්ට මේකටනම් හෙන අවුල්. ඒනිසා ෆ්ලින් සහා සැන්ටා ඇනා අතරෙ පොඩි විවාදයකුත් ඇති වෙනවා. ඉතින් ලුසි හිතන හැටියට මෙහෙම වෙලා තියෙන්නෙ ලියුම සම්පූර්ණ නොකරපු නිසා කියලයි. මේ ලියුම තමයි ප්‍රසිද්ධ “ජයග්‍රහණය හෝ මරණය” කියන කර්නල් බැරට් ට්‍රැවිස් විසින් ලියපු ලියුම. ඉතින් වායට් කියන්නෙ මේ ලියුම ලුසීට ලියලා ඉවර කරන්න කියලා. ඒ අතරෙ රූෆස් කදවුරෙන් පැන ගන්න විදිහකුත් හොයන්න කියලා කියනවා. ඉතින් ලුසි ලියුම ලියන්න හැදුවත් ඒකට කිසිම අදහසක් එන්නෙ නැ, ඒ වගේම තමයි රූෆස්ටත් හිතා ගන්න බැ මොකද කරන්නෙ කියලා. ඉතින් රූෆස් ඩේවි ක්‍රොකට්ව හම්බවෙන්නෙ එයා එක්ක කතා කර කර ඉන්නකොට තමයි එයා කියන්නෙ මේ කදවුර හරහා ඇල මාර්ගයක් තියෙනවා කියලා. ඉතින් රූෆස්ට අදහසක් එනවා කදවුරෙන් පැන ගන්න විදිහක් ගැන. මේක වායට්ටයි ලුසීටයි කියනවා. ඒත් වුලකට තියෙන්නෙ මේ ඇල මාර්ගයට එතුල් වෙන්න නම් අඩි තුනක් විතර ගලක් හාරන්න වෙනවා. ඉතින් ඒකත් බාර වෙන්නෙ රූෆස්ටම තමයි. ඒ අතරෙ වායට් ලුසීගෙන් ලියුම ගැන අහනවා. එයා කියනවා ඒක තාම ඉවර නැ කියලා, ඒ වගේම එයාට ලියුමෙ තිබුණ හැම වචනයක්ම මතක නැ කියලා. ඉතින් වායට් කියන්නෙ ඒක ලුසි කැමති විදිහට ලියන්න කියලයි. මොකද කිව්වොත් වායට් හෙන අවුලෙන් තමයි මේ වෙනකොට ඉන්නෙ. ඒ එයාට මේ වතාවෙ ෆ්ලින්ව මරන්න බැරිවුනොත් එයාව අයින් කරන නිසා. ඕවා වෙන අතරෙ කදවුරට ප්‍රහාරයක් එල්ල වෙලා ඒකෙන් පොඩි එකෙක් තුවාල වෙනවා. වායට් තමයි එයාව බේර ගන්නෙ.

ඔය අතරෙ රූෆස් මල පැනගෙන ගල හාරනවා. එතෙන්ට ඩේවි ක්‍රොකට් ඇවිත් රූෆස් එක්ක ටෝකක් එහෙමත් දානවා. ඒ කතාව අවසානයෙ තමයි රූෆස්ට හොද අදහසක් එන්නෙ මේ වැඩේ ඉවර කරන්න. ඒ වායට් එනකොට ගෙනාව අත් බෝම්බ පාවිච්චි කරලා ගල පුපුරවන්න. ඔය අතරෙ තමයි බූවි ඇවිත් වායට්ට ස්තූති කරන්නෙ පොඩි කොලුවගෙ ජීවිතේ බේරගත්තු එකට. ඒත් එක්කම බූවි තේරිලා එයලට මේ යුද්ධෙ දිනන්න බැ කියලා. ඒ නිසා වායට්ට සැලැස්මක් පැහැදිලි කරනවා හැමෝටම නැතත් ගැහැණුන්ටයි ළමයින්ටයි බේරෙන්න පුළුවන් විදිහෙ. ඕව වෙන අතරෙ ලුසිත් ලියුම ලියන්න ගන්නවා. රූෆස් උමගෙ වැඩේ කරනවා. ඔය සේරම අව්සාන වෙනකොට මේ අයට පහර දෙන්න ගන්නවා. කොහොමහරි වායට්ගෙ සැලැස්ම හින්දා ගෑණු අයවයි ළමයිනුයි බේරගන්න පුළුවන් වෙනවා. ආ කලින් අර වායට් බේර ගත්ත පොඩි එකා තමයි කර්නල් බැරට් ට්‍රැවිස්ගෙ පණිවුඩ කාරයා. එයා මාර්ගයෙන් ලුසි ලියපු ලිඋයුමත් ලැබෙන්න ඕනෙ තැනට ලැබෙන්න සලස්වනවා. හැබැයි ඉතින් මේ සටනෙදි ජිම් බූවි, ඩේවි ක්‍රොකට් වගේ අය දිවි පුදනවා. ඒ තමන්ගෙම පිරිසක් බේර ගන්න. කොහොමහරි ෆ්ලින් කරන්න ආව වැඩේ කරගන්න බැරිවෙනවා. ඒ වගේම වායට්ට ෆ්ලින්ව මරන්නත් බැරිවෙනවා.

ඉතින් ලුසි ඇතුලු කණ්ඩායම ආපහු වර්තමානයට ඇවිත් බලනකොට ඇලමා වල වෙච්ච දේ නිසා ටෙක්සාස් එහෙම යුද්ධයට එකතු වීමෙන් සැන්ටා ඇනා පරාජය කරලා යුද්ධය දිනලා. ඒ කියන්නෙ ලුසි ලියුම හරි තැනට ගිහින් කියන එකයි. ඉතින් වායට් තවත් වතාවක් අසාර්තක වුන නිසා එයාව අයින් කරන්න හැදුවත් ලුසි සහා රූෆස්ගෙ මැදිහත් වීමෙන් ඒකත් නතර වෙනවා. ලුසි අම්මා එක්ක දාගත්ත රණ්ඩුවත් විසදෙනවා වගේම එයාට එයාගෙ ඇත්ත තාත්තා ගැන විස්තර අම්මා එයාට කියනවා. ඔක තමයි 5 වෙනි කොටසෙ වුන දේවල්.

අද කොටසින්

ඔන්න ඉතින් අද කොටසින් නම් රිටන්හවුස් ගැන තමයි වැඩි පුරම කතා වෙන්නෙ. ඒ වගේම ලුසි සහා රූෆස්ගෙ රහස් වගයකුත් එලි වෙනවා. අනික රිටන්හවුස් අදක ඊයෙක ඉදන් පවතින දෙයක් නෙවෙයි කියලත් දැනගන්න ලැබෙනවා. ඉතින් කතාව බලලම මේ ගැන වැඩිය දැනගන්නකො. ඊලග කොටසින් හම්බවෙමු.

ජය වේවා!

Timeless on IMDb

 

 

 

Due to copyright issues, we do not provide any torrent links.

Timeless.S01E06.HDTV.x264-KILLERS[ettv]

මෙම ලබා දී ඇති උපසිරසි ඉහත පිටපත සඳහා අදාළ වේ.

 

 
මේ ලබා දී ඇති සිංහල උපසිරැසි පිළිබද “ලහිරු ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

  << Previous Episode                All Episodes                      Next Episode >>

Check Also

Jungle Cruise (2021) Sinhala Subtitles | කැප්ටන් ෆ්‍රෑන්ක් වුල්ෆ් සමඟ ඇමසෝන් වනයේ වික්‍රමය…! [සිංහල උපසිරසි]

කොහොමද යාලුවනේ? මෙන්න එහෙනම් අගෝස්තු මාසේ මුලම Dwayne Johnson නැත්තන් වන් ඇන්ඩ් ඔන්ලි Rock ගේ …

Leave a Reply

Your email address will not be published.

19 comments

  1. chinthaka.max4

    thankx machan

  2. Gayan_madushanka_

    Thanks bro

  3. ස්තූතියි සහෝ.. ජය වේවා..

  4. බොහොම ස්තූතියි සහෝ උපසිරැසියට….

  5. Rasanga Heshan

    Thanks bro

  6. මධුකප්‍රිය පෙරේරා

    උපසිරසියට බොහොම ස්තුතියි සහෝ

  7. බොහොම ස්තුතියි

  8. Thanks sub ekta. ELA

  9. බොහොම ස්තූතියි සහෝ සිංහල උපසිරැසියට. ජය෴෴ 😛 😛

  10. thanks sub dunnata, ela wedak

  11. Thanks සහෝ සබ් එකට,

  12. ස්තූතියි සහෝ සබ් එකට,. ජය,.

  13. niayamai…thanks saho..sub ekata..digatama sub demu.jaya wewa……

  14. Udara Damith B/K

    මන් බැලුවා ගිය සතියේ සබ් නැත්තේ මොකද කියලා .
    ගිය සතියේ කොටසක් ආවේ නෑ ලු
    තැන්ක්ස්

  15. lipiyath niyami..ela ela … jaya wewa

  16. thankZZZZZZZZZZ bro!!!!!!!!!!!!!!

  17. Thanks…

error: Alert: Content is protected !!