Train to Busan AKA Busanhaeng (2016) with Sinhala Subtitles | මලයක්කුන්ගේ දුම්රිය [සිංහල උපසිරැස සමඟ]

ඔන්න මෙදා සැරේ මම බොලාලට අරගෙන ආවේ ප්‍රතික්ෂේප කරන්න බැරි ෆිල්ම් එකක්. ඒ මොකද කියනවනම් විචාරකයෝ කියන විදිහට කාලෙකින් නිකුත් වෙච්චි හොඳම Zombie චිත්‍රපටය ලෙස මෙම චිත්‍රපටය හඳුන්වන්න පුලුවන්ලු. වැඩිය කතා නැතුව ඔයාලා මම කියනවට Trailer එක බලන්න, ඒක බැලුවොත් , අනිවා මේ ලිපිය කියවන්න කලින් ෆිලුම බාගන්න දාලා තමයි කියවන්නේ. මොකද එච්චර සුපිරි විදිහට මේක හදලා තියෙනවා. එහෙනම් ඉස්සල්ලාම ෆිල්ම් එක ගැන කතා කරලා ඉමුකෝ.

මේක නිකුත් උනේ  2016 ජූලි 22 වෙනිදා. හොඳ පිටපතක් ආවේ ඊයෙ පෙරේදා. වර්ගීකරණය කරලා තියෙන්නේ ACtion, Horoor, Thriller කියන කොටස් වලට. මේකෙ IMDb අගයනම් ඉතාමත් ඉහලයි. සාමාන්‍යයෙන් මේ වගේ ZOmbie ෆිල්ම් එකකට ඒ වගේ අගයක් ලැබෙන්නේ ඉතා කලාතුරකින්, ඒ 8.1 ක්. ඒවගේම මේ ෆිලුම දැනටමත් සම්මාන 2 ක් දිනාගෙන තිබෙන අතර තවත් සම්මාන ක් සඳහා නිර්දේශ වෙලා තියෙනවා. මේකත් හරියට ඉංග්‍රීසි ෆිල්ම් එකක් වගේ, අර ඉන්දියන් කතා වගේ එක තැන පල් වෙන්නේ නෑ, ඉක්මනට කතාව ගලාගෙන යනවා. ඒවගේම කතා වස්තුවත් ගොඩක් හොඳයි, සරලව කියලා දාන්නම්කෝ.

සූක්- වූ සහ ඔහුගේ දියණිය තමන්ගේ ( සූක් ගේ බිරිඳ) මව බැලීම සඳහා සෝල් සිට බුසන් දක්වා ගමන් කරන KTX කියන සීඝ්‍රගාමී දුම්රියට ගොඩවෙනවා. දුම්රිය ගමන් ආරම්භ කරන්න ඔන්න මෙන්න තියෙද්දී ටිකක් පිස්සු හැදුනු  වගේ කෙල්ලෙක් එකපාර කෝච්චියට නගිනවා. කවුරුවත් මෙයාව දකින්නේ නෑ, හැබැයි එක සේවිකාවක් මෙයා වැටිලා ඉන්නවා දකිනවා. ඉතින් එයාගේ ලඟ ඉඳගෙන අනිත් කෙනාගෙන් උදවු ඉල්ලන අතරේ ඒ කෙල්ල මලයකෙක් බවට පත්වෙලා ඒ සේවිකාවව හපා කනවා.( Zombie ෆිල්ම් වල ඊලඟට මොකද වෙන්නේ කියලා දන්නවනේ) පුරුදු විදිහටම මෙහෙම එක එකාව හප හප මේ කෝච්චියේ ඉන්න මගීන්ගෙන් භාගයක්ම මලයක්කු බවට පත්වෙනවා. ඉතින් එතන ඉඳන් බේරුන අය තමන්ගේ ජීවිතේ රැකගන්න දරන වෑයම තමයි මේ චිත්‍රපටය පුරාවට විහිදිලා යන්නේ. ඇත්තටම ත්‍රාසජනක කිවුවට මේක අවසානයේදී ගොඩක් සංවේදී කතාවක් වෙනවා. ඒ නිසා අනිවාරෙන්ම අරගෙන බලන්න කියලා ඉල්ලා සිටිනවා. අවසාන වශයෙන්,

හොඳ කොපියක් ආපු ගමන් මේ ෆිල්ම් එක මට බාරදුන් සමීර චතුරංග අයියටත්, එවේලේ ඉඳන් මාව ඉක්මන් කරපු අපේ එකම බළල් ප්‍රාණියා නොහොත් සමන් අයියටත් මම ගොඩක් ස්තූතිවන්ත වෙනවා. මොකද මම මේ ෆිල්ම් එක කලේ පැය 24 කටත් අඩු කාලයකින්. ඉස්කෝලෙ ගිහින් ඇවිත් පටන් ගත්තු පාර ඉවර කලේ රෑ 8 ට. කාලා බීලා ආයෙත් පටන් අරගෙන ඉවර කරනකොට රෑ 11.35 යි. මේ ලියලා ඉවර වෙනකොට වෙලාව පාන්දර 12.15. ඉතින් තවත්නම් කියන්න දෙයක් නෑ, මට හොඳටම නිදිමතයි. අවසාන වශයෙන් කියන්න තියෙන්නේ , අපි මේ වෙන මහන්සියෙන් අපිට පුංචි හරි සතුටක් ලැබෙන්නේ ඔයාලා දාලා යන කමෙන්ට් එකෙන්. ඒ ඇර වෙනත් කිසිදු මූල්‍යමය වාසියක් අපි කිසිම කෙනෙකුට නෑ, ඒ නිසා සබ් එක බාගෙන යන ගමන් පුලුවන් නම් පොඩි වචන දෙක තුනකුත් තියලා යන්න. මොකද ඊලඟ සබ් එක කරනකොට මතක් වෙන්නේ කලින් සබ් එකට වැටිලා තිබුනු කමෙන්ට් ගාන. එහෙනම් මම නවතින්නම්.

බයිස්කෝප් අඩවියට ජය…

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත සඳහා වලංගු වේ.

මේ ලබා දී ඇති සිංහල උපසිරැසි පිළිබද “රඛිත රණතුංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.