V for Vendetta (2005) Sinhala Subtitles | ජනතාව රජයට නොව, රජය ජනතාවට බිය විය යුතුවේ![සිංහල උපසිරැසි සමඟ]

කොහොමද ඉතින්? ඔන්න මම තව කතාවක් අරගෙන ආවා. කට්ටියට මතකද Matrix චිත්‍රපටි ටික. ඒ ටික හදපු කට්ටියම තමයි මේ චිත්‍රපටියත් හදලා තියෙන්නේ. IMDB වල 8.2ක අගයක් අරන් තියෙන මේ චිත්‍රපටිය ලෝකයේ හොඳම චිත්‍රපටි 250 න් 163 . රටක තියෙන පාලනයට විරුද්ධව රටේ ජනතාව නැගීසිටින්න ඕන ඇයි කියන දේ ගැන මේ චිත්‍රපටියෙන් කියලා දෙනවා.වැඩි විස්තර නැතුව කතාව මේකයි.

මීට වසර 400කට ඉස්සර අසාධාරණය, අයුක්තියට විරුද්ධව සටන් කරපු මනුස්සයෙක් නොවැම්බර් මාසේ පස් වෙනිදා ඒ කියන්නේ.. අද වගේ දවසක එක වැඩක් කරනවා. ඒ සිදුවීම පාදක කරගෙන 2030දී එංගලන්තයෙත් එවගේ මනුස්සයෙක් නැගී සිටිනවා.ඒ කාලෙ වෙනකොට එංගලන්තය ඒකාධිපති පාලනයකට යටත් වෙලා තියෙන්නේ. මිනිස්සුන්ගේ කතා කිරීමේ නිදහස වගේ දේවල් නැතිවෙලා තියෙන්නේ. ඔය අතරේ “V” කියලා හඳුන්වන ඒ මනුස්සයා ඇවිත් පරණ ගොඩනැගිල්ලක් පුපුරවලා දානවා. ඒකෙන් ඔක්කොමලා හොල්මන්වෙලා යනවා. එතනදී මේ “V” ට ඊවි කියලා ගැහැනු ළමයෙකුත් මුණ ගැහෙනවා. කොහොමහරි මේ දෙන්නා එදා රෑ පිපිරීම වෙලාවෙදි එකට ඉන්න රූප වගයක් පොලීසිය හොයා ගන්නවා. “V” ගැන කිසිම විස්තරයක් නොදන්න නිසා පොලීසිය ඊවිව අල්ලගන්න හදනවා. ඒත් එක්කම පහුවදා උදේම “V” ඇවිත් ටීවි චැනල් එකක් අල්ලගෙන කතාවක් සජීවීව විකාශය කරනවා. ඒකෙදි එයා රටේ මිනිස්සුන්ගෙන් ඉල්ලනවා ඊළඟ අවුරුද්දේ නොවැම්බර් මාසෙ පස්වෙනිදා එයා රටේ පාර්ලිමේන්තුව පුපුරවනවා, රටේ මිනිස්සුන්ට එදාට එතනට ඇවිත් ඒක බලන්න කියලා කියනවා. එහෙම කියලා එයා ඊවිවත් අරගෙන යන්න යනවා….මම ඒ කිව්වේ කතාවෙ මුල් විනාඩි 20 ඇතුලේ වෙනදේ. ඊට පස්සෙ තමයි කතාව නියමෙට පටන් ගන්නේ. ඒක ඉතින් බාගෙනම බලන්න.

මේ කතාව එංගලන්තය පාදක කරගෙන හැදුවට, චිත්‍රපටිය බලලා ඉවර වෙනකොට සමහර විට ඔයාලට අපේ රට ගැනත් අමුතු අමුතු අදහස් එන්න පුලුවන්. හැබැයි එහෙම වුනොත් නම් ඔන්න මම වගකියන්නේ නෑ …..

කලින් පලවූ ලිපිය.

මේ කියන්න යන්නෙ ලොව ජනප්‍රියම චිත්‍රපට අතුරින්  167 වැනි ස්ථානයේ රැදී තිබෙන IMDB රේටින්ග් වලින් 8.2/10 ක් ලබාගෙන තිබෙන සුපිරිම චිත්‍රපටයක් ගැනයි..ඇත්තටම මේක බලන්නම වටින චිත්‍රපටයක්…

බොහෝ ඔන්ලයින් කොමියුනිටි වල සාමාජිකයන් මෙම චිත්‍රපටයේ එන ප්‍රධාන චරිතයේ රූපය දාගෙන ඉන්නව මම දැකල තියෙනව..මෙම චිත්‍රපටයේ ජනප්‍රියත්වය ගැන යම් අදහසක් එයින්ම ඔයාලට ගන්න පුලුවන් වෙයිනෙ..මේ සුපිරි නිර්මාණය අපිට කල්පනා කරන්න ගොඩක් දේවල් ඉතුරු කරමින් නිමාවෙන නිර්මාණයක්..සමාජ පෙරළියක් ඇති කරන්න මග පාදන නිර්මාණයක්..මෙහි ගුණ වැණුව ඇතිනෙ දැන්..මම කියන්නම් මේකෙ කතාවෙන් ටිකක්..
මීට අවුරුදු 400ට කලින් සමාජ විරෝදී කටයුතු කරන වෙනස්ම මතයක් දරන පුද්ගලයෙක් එවකට සිටින පාළකයන් විසින් එල්ලා මරණු ලබනව..ටිකෙන් ටික ඔහු ගැන අමතක වීගෙන යනව මිනිසුන්ට..නමුත් වර්තමානයේ ඔහුගේ අදහස්ම දරන පුද්ගලයෙක් බිහි වෙනව..සමාජ විරෝධී ක්‍රියාවන් වලින් හරි ඔහු කරන්න හදන සමාජ පෙරළිය තමයි මෙහි කතා තේමාව වී තිබෙන්නෙ…මීට වඩා කතාව ගැන කියල එහි රසය අඩු කරන්න මම උත්සාහ කරන්නෙ නෑ..ඔයාල හැමෝම මෙක නම් අනිවාර්‍යෙන් බාගනියි කියල හිතනව..ෆිල්ම් එක බලල ඉවර වෙලා ටික දවසක් යනකම් ඔයාලත් කියයි Remember, remember the 5th of November කියල..

සටන් වලින් පිරුණු එක හුස්මට බලන්න පුලුවන් V for Vendetta චිත්‍රපටය,

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “දිනීෂ පතිරේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2012/09/20