Veeram (2014) | වි(නයාගම්+රයා)… [සිංහල උපසිරැසි සමඟ]

50 වෙනි උපසිරසියෙන් ගොඩක් කාලයකට පසුව නැවතත් මම ඔයාලා හමුවෙන්න ආවේ ලස්සන තෙලිගු නිර්මාණයක් සමගයි. මම මීට කලින් ඉංග්‍රීසි හා හින්දි චිත්‍රපට වලට උපසිරැසි සැදුවත් තෙලිගු චිත්‍රපටියකට උපසිරසියක් සදන්නේ මුල්ම වතාවටයි. ඒකත් අපේ විකි සහෝ කොහොම හරි කරන්න කියලා බාරදුන්න නිසයි. ඉතින් මම විකි සහෝට ස්තුති කරනවා මට මේ චිත්‍රපටියේ උපසිරැසි වෙන් කර දුන්නාට වාගේම චිත්‍රපටිය නිකුත්වුණ සැණින් මාව දැනුවත් කළාට.

මේ චිත්‍රපටිය ගැන කියනවා නම් 2014 ජනවාරි මස 10වන දින ප්‍රදර්ශනය ඇරඹූ මෙය මේ වන විට imdb දර්ශකයේ 7.1ක ඉහළ අගයක් ලබාගෙන තිබෙනවා. ඒ වගේම මේ චිත්‍රපටියට අපි කවුරුත් දන්නා හදුනන මීට කලින් තෙලිගු චිත්‍රපට ගණනාවක චරිත වලට පණ පොවපු Ajith Kumar විනයාගම් ලෙසින් ප්‍රධාන නළුවා වශයෙනුත් Tamannaah Bhatia කෝපුරන් දේවි ලෙසින් ප්‍රධාන නිළිය වශයෙනුත් මේ චිත්‍රපටියට දායකත්වය ලබා දෙනවා. මෙය අධ්‍යක්ෂණය කරලා තියෙන්න්නේ Siva විසිනුයි.

කතාව ගැන කියනවා නම් විනයාගම් කියන්නේ සහෝදරයින් 4 දෙනෙක් සිටින ආදරණිය අයියා කෙනෙක්. ඒත් මේ අයගේ දෙමාපියන් කුඩා කාලයේදිම මියගිය නිසා විනයාගම් තමයි මල්ලිලා 4 දෙනා බොහොම දුක් මහන්සියෙන් උස්මහත් කරන්නේ. ඒ වගේම විනයාගම් කියන්නේ ඒ ප්‍රදේශයේ බලපුළුවන්කාර අසාධාරණයට විරුද්ධ ව්‍යාපාරිකයෙක්. හොදින් හෝ නරකින් වැරදි කරන අයට සලකන කෙනෙක්. ඒ නිසාම විනයාගම්ගේ ජිවිතය රණ්ඩු, පිහි, කැති වලින් පිරුණු එකක්. හැබැයි විනයාගම් කසාදය කියන වචනය අහන්නවත් අකමැති කෙනෙක්. මොකද කසාදයක් කරගත්තහම මුලු ජිවිතයම විනාශ වෙනවා කියලා එයා හිතාගෙන ඉන්නවා. හැබැයි එයාගේ මල්ලිලා 4 දෙනා නම් කාටත් හොරෙන් අවුරුදු ගණනාවක සිට ආදරවන්තයන් වෙලා තමයි ඉන්නේ. ඉතින් එයාලා තේරුම් ගන්නවා ඒ සම්බන්ධ වලට අවසර ගන්න නම් අයියාටත් පෙම්වතියක් හොයලා දෙන්න ඕනි කියලා. මේ අතරතුරේ තමයි එයාලා ඉන්න ඔඩ්ඩචත්‍රම් ගමේ දේවාලයේ පිළිම ප්‍රතිසංස්කරණය කරන්න කෙල්ලෝ කණ්ඩායමක් එන්නේ. ඒ අය අතරේ ඉන්න කෝපුරන්දේවි කියන අහිංසක කෙල්ලව තමයි මල්ලිලා ටික එයාලගේ අයියට තින්දු කරන්න යන්නේ. හැබැයි කෝපුරන්දේවි වත් විනයාගම්වත් ඒ සැලැස්ම ගැන දන්නේ නෑ. ඒ සිදුවිම් අත‍රේ විනයාගම් කෝපුරන්දේවිගේ මහ ගෙදර තියෙන ගමටත් යනවා. කෝපුරන්දේවිගේ තාත්තා කියන්නේ රණ්ඩු වලට අකමැති සාමකාමී සාධාරණ කෙනෙක්. ඒ නිසාම විනයාගම්ට හිතුවෙවත් නැති දේවල් වලට එහිදි මුහුණ දෙන්න වෙනවා.

ඉතින් මල්ලිලා අයියට කෝපුරන්දේවිම තීන්දු කරන්නේ ඇයි? එයාලා ඒ දෙන්නව එකතු කරන්න මොන වගේ දේවල් කරාවිද? එයාලා දෙන්නා ආදරවන්තයෝ වේවිද? කෝපුරන්දේවි‍ගේ ගමට යන විනයාගම්ට මුහුණ දෙන්න වෙන සිද්ධින් මොනවද? ඒ දේවල් වලින් කෝපුරන්දේවිගේ තාත්තාට විනයාගම් ගැන මොන වගේ දෙයක් හිතාවිද? මේ හැම දෙයක් ගැනම දැනගන්න ඔයාලට මේ කතාව බාගෙන බලන්න වෙනවා.

ඒ වගේම තව අමතර දෙයකුත් කියන්නම්. මේ කථාවේ විනයාගම්ගේ සහෝදරයන් 4 දෙනාගේ නම් වෙන්නේ මුරුගන්, ශන්මුගන්, ශෙන්තිල් සහ කුමාරන්. ඒ සැම නමකින්ම කියවෙන්නේ මුරුගන් දෙවියන් ගැනයි. මුරුගන් දෙවියන‍්ගේ කියන්නේ විනයාකම් නැත්නම් ගනේෂා දෙවියන්ගේ සහොදරයා කියලයි හින්දු ඇදහිම්වල සදහන් වෙන්නේ.

‍එහෙනම් තවත් උපසිරසියකින් හමුවෙන තෙක් ඔබ සැමට ජය… . . !

විශේෂ දැනුම්දීමක්:
අප මීට පෙර ලබාදුන් ටොරන්ට් එකෙහි වීඩියෝව සම්පූර්ණයෙන් ධාවනය නොවන නිසා නැවත අලුත් වීඩියෝවක් සහිත ටොරන්ට් එකක් යාවත්කාලීන කලා. නැවත එය බාගත කරගන්න. සිදුවූ අපහසුතාවයට සමාවන්න.
– බයිස්කෝප් කණ්ඩායම

455 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “කවිඳු ගිම්හාන් (පැතුම්)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.