Vishwaroopam 2 (2018) Sinhala Subtitles | ත්‍රස්ථවාදීන් මෙන් සිතා ත්‍රස්ථවාදීන් විනාශ කිරිම [සිංහල උපසිරසි සමඟ]

මම කෝට් අඳින තැරැව්කාරයෙක් නෙවෙයි.!
මම ඔත්තු බලන්න පුරුදු උන සොල්දාදුවෙක්..!

මොන ආගමක්වත් අදහන එක පාපයක් නෙවෙයි සහෝදරයා.!
ඒත් දේශද්‍රෝහීයෙක් වෙන එක නම් වැරැද්දක්..!

කට්ටියටම සුභ දවසක් වේවා..! සමහර අය නම් මා එක්ක ටිකක් විතර තරහින් ඇත්තේ..! මොනව කරන්නද..? එක පිටම භාරගත්තු චිත්‍රපටිත් ආවා ඒත් එක්කම අල්ලු අර්ජුන්ගේ චිත්‍රපටය සඳහාත් උපසිරැසි ගන්වන්න අවස්ථාවකුත් ආවා ඒක නිසා කරන්න සැලසුම් කරපු විදියට නම් කිසිම වැඩක් කරගන්න බැරිවුනා. ඒ මදිවට තියෙන රාජකාරි නිසා කාර්ය්‍යබහුලත්වය නම් උපරිමයි..! ඒත් මෙහෙම හරි ඉක්මණින් මේ චිත්‍රපටියට උපසිරැසි කරලා ගේන්න බැලුවේ ඡන්ද විමසීමක් තියලා වැඩි මනාප නැත්තන් ඡන්ද සංඛ්‍යාවකින් මගෙන්ම මේ චිත්‍රපටයට උපසිරැසි ඕන කියලා චන්දය දුන්න ප්‍රේක්ෂක ඔබ සැමගේ විශ්වාසය රැක ගන්න ඕන නිසාමයි..! හරි එහෙනම් වැඩි කතා ඕන නෑ අප සංස්කාරක මඩුල්ලේ හසන්ත අයියටයි සිසිල ප්‍රසාද් සහෝටයි ස්තුති කරන ගමන්ම පොඩ්ඩක් චිත්‍රපටය කතා කරමු.

‘උලග නායගම්’ එහෙමත් කමල් හසන් කියන දමිළ සිනමා නළුවා ගැන දමිළ චිත්‍රපට නරඹන ප්‍රේක්ෂකයෝ විතරක් නෙවෙයි හැමෝම දන්නවා. ඉතින් මේ තමයි ඔහුගේ නිෂ්පාදනයෙන් හා අධ්‍යක්ෂණයෙන් වගේම රචනයෙන් හැඩගැන්වුන බයිස්කෝප් සිංහලෙන් වෙබ් අඩවියේ රසික ඔබ සියලුදෙනා පුන පුනා බලා සිටි Vishwaroopam 2 2018 එහෙමත් නැත්තන් Vishwaroopam 2013 චිත්‍රපටයේ දෙවෙනි කොටස..! මේකේ පලවෙනි කොටසේ අවසානය බලපු අයට මතක ඇති ඕමාර් කශ්මීරි කියන ත්‍රස්ථවාදියා ඉන්දියානු හා ඇමරිකානු ඔත්තු සේවා නැත්තන් බුද්ධි අංශ වලින් බේරිලා පලා යනවා. ඉතින් මේ දෙවෙනි චිත්‍රපටයේ තියෙන්නේ එතන ඉදලා වෙන සිදුවීම් ටික. පලවෙනි චිත්‍රපටය ගැන මම ආයේ මතක් කරන්න යන්නේ නෑ මොකද මට නම් හිතෙන්නේ ඒක බැලුවේ නෑ කියලා මහ ලොකු අවුලක් වෙන්නේ නෑ මොකද දෙවෙනි කොටසට මේ උපසිරැසි කරන මටත් ඒ හැටි පලවෙනි චිත්‍රපටය ගැන නම් මතකයකුත් නැති නිසා.!

කතාව වෙන්නේ මෙහෙමයි ඕමාර් කශ්මීරි කියන ත්‍රස්තවාදියා ඉන්දියානු හා ඇමරිකානු ඔත්තු සේවා වලින් පැනලා ගිහින් තවත් ලොකු ප්‍රහාරයක් කරන්න සැලැසුම් කරනවා. ඉතින් ඒ ප්‍රහාරයන් නවතාලීමට මේජර් විසාම් ඇතුලු පිරිස විසින් කරන වික්‍රමාන්විතය මේ චිත්‍රපටය පුරාවට ගලගෙන යනවා. කතාව ගැන මම මීට වඩා කියන්න යන්නේ නෑ මොකද තවත් කාල වේලාව නැති නිසා වගේම රසිකයො ඉල්ලීමක් කරලා තිබ්බා කතාවෙන් වැඩි කොටසක් කියපුවම බලන්න දෙයක් නැතිවෙලා රසාස්වාදයට හානියක් ඒ කිව්වේ චිත්‍රපටිය බලන්න කලින් එන කුතුහලය නැතිවෙන එක වෙන්න ඇති. නැති වෙනවා කියලා එහෙනම් අදට මම සමුගන්නවා තවත් මලයාලම් හා හිංදි චිත්‍රපට ද්විත්වයක් සඳහා උපසිරැසිත් සමඟ ඉක්මණින්ම හමුවීමේ බලාපොරොත්තුවත් සමඟින්..!

ඔබ සියලු දෙනාට කඳ සුරිඳු පිහිටයි..!

මෙම ලබා දී ඇති උපසිරසි Org HDRip පිටපත් සඳහා ගැළපේ.

මේ ලබා දී ඇති සිංහල උපසිරැසි පිළිබද “M.T.R. තරිදු රුක්ෂාන් පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2015/10/16
SUBMAKER RATING BY ADMINS