WandaVision [E01] Sinhala Subtitles | වොන්ඩා-විෂන් නව නගරයක පදිංචියට [සිංහල උපසිරසි]

ඔන්න එහෙමනම් බයිස්කෝප් සිංහලෙන් තුළින් මේ හමුවෙන්නෙ මාවල් සිනමා විශ්වීය ඉතිහාසයේ මේ අවුරුදු ගාණට ඒ් කිව්වෙ 2008 අවුරුද්දේ Iron Man චිත්‍රපටය නිකුත් වුණ දවසේ සිට 2019 අවුරුද්දේ Spider-Man: Far from Home නිකුත් වෙච්ච දවස වෙන තුරු දවස වෙනකල්ම වෙනස්ම ආරයේ රූපවාහිණී කතා මාලාවක් අරගෙන. S.H.I.E.L.D. කතා මාලාව ඇතුළු කතා මාලා කිහිපයක්ම මාවල් සිනමා විශ්වය තුළින් නිකුත් වුණත් මේක තමයි ඒ හැම එකකටම වඩා වෙනස්. මොකද කිව්වොත් මේක Sitcom මිශ්‍රිත කතා මාලාවක්. Sitcom ගැන පැහැදිලි කිරීමක් ලිපියෙ අන්තිමට කියන්නම්. 

හරි මේ ගෙනාවේ 2020 පුරාම හාමතෙන් සිටි මාවල් රසිකයන්ගේ කුස පුරවමින් MCU එකෙන් Disney+ හරහා නිකුත් කරපු නවතම කතා මාලාව WandaVision. දැන් අහන්න එපා මන්ද පමා කියලා. 😛 විමාගේ පෙරැත්තය නිසාත් මට තිබුණු ආසාව නිසාත් තමයි මේක කළේ. 🙂 ස්තුතියි විමා අයියට ඒ වෙනුවෙන්.

පරක්කු වුණ නිසාම වැඩි දෙයක් කියන්න බලාපොරොත්තුවක් නෑ වොන්ඩා සහ විෂන් ගැන. ඔයාලා ඔවුන්ව මීට කලින් දැකල තියෙනවනේ චිත්‍රපට ගණනාවකම. කතාව ගැන කිව්වොත් අද කොටස පටන්ගන්නේ වොන්ඩා-විෂන් තමන් කලින් හිටපු ‍විශාල නග‍රය දාලා ඇවිත් අලුත් නගරයක, අලුත් නිවසක පදිංචියට ඇවිල්ලා නව ජීවිතයක් අරඹලා තියෙන්නේ කොහොමද කියන එක ගැනයි. එහෙනම් අපි බලමුකෝ අද කතාවේ වෙන්නේ මොනවද කියලා. එහෙනම් ඊළඟ කොටසින් හමුවෙමු.

මොකක්ද මේ Sitcom කියන්නේ?

Sitcom පළමු හා දෙවන කොටස්නම් Sitcom කියන වචනේ තේරුම Situation comedy. සරලවම කිව්වොත් එකම චරිත කිහිපයක් විසින් විවිධ හාස්‍යජනක කතා රඟ දැක්වීම තමයි එහි අර්ථය. හැබැයි අපි සාමාන්‍යයෙන් Sitcom අඩවියෙන් ලබා දෙන්නේ නෑ. ඒ මොකද මේවායේ තියෙනවා ඉංග්‍රීසි භාෂාවටම ආවේනික වෙච්ච හාස්‍යජනක දෙබස්. ඒවා ගොඩක්විට ඒ රසයෙන්ම, ඒ අරුතම දීලා සිංහලට අනුවර්තනයක් කරන එක කරන්න අමාරු වැඩක් නෙමෙයි, කරන්න බැරි වැඩක්. ඒ නිසයි ඒවා අපි දෙන්නෙ නැත්තේ. ඒත් මේක අපි ‍ලබාදෙන්න තීරණය කළේ මාවල් සිනමා විශ්වයට බැඳුණු කතා මාලාවක් නිසාමයි.

Sitcom රසවිඳින්න තියෙන හොඳම ක්‍රමය තමයි අපි ලබාදෙන සිංහල සබ් එක්ක චිත්‍රපටි හා කතා මාලා නරඹද්දි හොඳින් වචනවලට ඇහුම්කන් දෙන්න. එතකොට ටික ටික ඉංග්‍රීසි භාෂාව හුරු වේවි. ඒ වගේම ඉංග්‍රීසි උපසිරස එක්කත් ඒ චිත්‍රපටි බලන්න. අපි ඉංග්‍රීසි උපසිරස එක්ක බලන්න කාටවත් තහනම් කරලා නෑ. (සමහරු හිතනවා එහෙමත්. නෑ සබ් එක්ක බලන අය නෙමෙයි නොබලන උගත් ප්‍රාඥයින් :D) ඊටපස්සෙ සබ් නැතුව වචන තේරුම්ගන්න උත්සහ කරන්න. නිවැරදිව පරිවර්තනයක් කරන්න උත්සහ කරලාත් බලන්න කැමතිනම්. ඊට පස්සේ ඔය සිට්කොම් කතා මාලා බලලා පහසුුවෙන්ම ඔයාලට රසවිඳින්න හැකි වේවි. ඔය දේවල් කරලා තමයි මමනම් ඉංග්‍රීසි ඉගෙනගත්තේ සහ තවමත් ඉගෙනගන්නේ. ඔය මොනා කළත් තවමත් මම සිංහල උපසිරස රසවිඳිනව. ඒක හදවතටම දැනෙනවා.

තවත් උපසිරසකින් හමුවෙමු.

Due to copyright issues, we do not provide any torrent links.

මෙම ලබා දී ඇති උපසිරසිය WEB පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “එල්.සී.දමැල්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
ADMIN MEMBER
JOINING DATE – 2015-02-06
SUBMAKER RATING BY ADMINS