Fast and Furious 6 (2013) with Sinhala Subtitles | හයවන මාරාන්තික ධාවනය [සිංහල උපසිරැසි සමඟ]

ඔන්න තවත් සුපිරි චිත්‍රපටියක් සිංහල උපසිරසක් සමඟ ඔබ වෙතට ගෙන එන්නයි මේ සූදානම. මේ ගැන නම් අහලා නැති කෙනෙක් නැති තරම්. මොකද Fast and Furious කිව්වම හැමෝම දන්නවා. ඒ නිසා වැඩි යමක් කියන්න යන්නේ නැහැ. මේ ගැන එතකොට මෙහි ඉදිරි කොටස් ගැන අපි බයිස්කෝප් මංසල හරහා ඔයාලව නිරන්තරයෙන්ම දැනුවත් කලා. මේ චිත්‍රපට මාලාවේ හයවැන්න තමයි මෙසේ පසුගිය මැයි 24 වෙනිදා සිට ලොවපුරා සිනමාහල් වල තිරගත වීම ආරම්භ කලේ. ඒ වගේම ජාත්‍යන්තර චිත්‍රපට දර්ශකයේ ලකුණු 7.5 ක ප්‍රමාණයක් ලබා ගෙන තියෙනවා. අදායම් වියදම් ගැන පොඩ්ඩක් මතක් කලොත් වියදම් වශයෙන් ගිය ඇමෙරිකානු මිලියන160 මේ වන විට අදායම විදිහට ඇමෙරිකානු මිලියන 233 බවට පත් කරගන්න සමත්කම් දක්වලා තියෙනවා. ඒ වගේම මෙහි අධ්‍යක්ෂණය කලින් චිත්‍රපට වල වගේම Justin Lin නම් දක්ෂයා අතින් තමා නිම වෙලා තියෙන්නේ. නළු නිලියෝ ගැන කියනවා නම් සේරම අපි දන්නා පිරිසක් තමා මෙහි රඟ පාන්නේ. එහෙමනම් සේරම ගැන කියන්න වෙනවා.ප්‍රධාන චරිත වලට රංගන දායකත්වය දෙන්නේ Vin Diesel, Paul Walker, Dwayne Johnson වගේම Jason Statham ඉන්න කොටසකුත් තියෙනවා. ඒ මෙහි හත්වැන්නට පූර්විකාවක්. ක්‍රියාදාම, ත්‍රාසය කැටිකරගත් මේ සලරුව කලින් වතාවට වඩා ක්‍රියාදාම වලින් සන්නද්ධ වෙලා තමයි මේ වතාවේ අප වෙතට ඇවිත් තියෙන්නේ. එහෙනම් මම පොඩ්ඩක් කියන්නම් වෙන්නේ මොකද්ද කියලා.

කලින් වතාවේ වෙච්ච සිද්ධිය මතකනේ විශේෂ නියෝජිත හෝබ්ස්ව අන්දලා කරපු වැඩේ. මේ වේගවත් කණ්ඩායම කලින් සැරේ මිලියන 100කට වගකියන්න සමත් උනා. කාටවත් ඔප්පු කරගන්න බැරිඋනා මිලියන 100ට උනේ මොකද්දකියලා. කොහොමහරි හෝබ්ස් නම් දැන ගත්තා මේ සෙට් එක එසේ මෙසේ එවුන් ටිකක් නම් නෙමෙයි කියලා. මේ සැරේ දකින්න වෙන්නේ වෙනදට වඩා වෙනස් දෙයක්. හොරා පොලිස් වෙන කතාවක්. තවත් මේ වගේ දරුණු වැඩකාරයෙක් කරලියට ඇවිල්ලා. එයා මේ සේරටම වඩා දරුණුයි වගේ. හෝබ්ස්ට හිතා ගන්න බැරුව ඉන්නේ මේ සැරේ එකට මොකද කරන්න යන්නේ කියලා. මේ සැරේ වේගවත් කණ්ඩායමට අලුත් රාජකාරියක් පැවරෙනවා.ඒක අකමැත්තෙන් හරි භාර ගන්න ටොරෙටෝ ප්‍රමුඛ කණ්ඩායමට සිද්ධ වෙන්නේ තවත් හේතුවක් නිසා. කලින් කොටසකදී මැකී ගිය චරිතයක් නැවත කරලියට එන්න නියමිතයි. ඒ වගේම මිලියන 100 ක සැප භුක්ති විඳින මේ කාර වලින් වැඩ දාන කණ්ඩායමට මේ සැරේ නම් ලේසි වෙන්නේ නැහැ. මොකද ප්‍රතිවිරුද්ධ පක්ෂය සමන්විත වෙලා තියෙන්නේ එසේ මෙසේ කණ්ඩායමකින් නම් නෙමෙයි. එහෙනම් ඔන්න ඔයාලට බාර කරනවා මාරාන්තික වේගයේ හය වැන්නේ වේගයේ රස විඳින්න මෙතැන් සිට.

යන ගමන් අදහසක් කියලා යන්නත් අමතක කරන්න එපා එහෙනම් ගිහින් එන්නම්, නැවත හමුවෙනකන් හැමදෙනාටම ජයෙන් ජය ප්‍රාර්ථනා කරනවා !!!

” Due to copyright issues, we do not provide any torrent links. “

මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.