Game of Thrones [S5E04 – Sons of the Harpy] (18+) | දැන දැන් වලේ වැටීමක්ද?… [සිංහල උපසිරැසි සමඟ]

හොදයි පරක්කු වෙලා හරි මේ ගේන්නෙ ලීක් වෙච්ච අවසාන පිටපතයි. වෙනද වගේම ලබන සඳුදා නියම පිටපතට යාවත්කාලීන කරන්නම්. ඔන්න යාවත්කාලීන කළා. ඊට පස්සෙ 11 වෙනිදා වෙද්දි එන 05 වෙනි පිටපතට සබ් එක සඳුදමනම් දෙන්න අමාරුවෙයි. කොහොමහරි හැකි ඉක්මනින් ලබාදෙන්නම්කෝ. හොඳයි මුලින්ම මතක් කරගමු කලින් කොටස.

කිංග්ස් ලෑන්ඩින් වල…

ටෝමන් හා මාජරි (යනතම් මාජරි වැඩේ කරගත්තා. කී දෙනෙක්ව නම් බැන්දට කෝ හරි ගියායෑ 🙂 ) බැඳලා එදා නිදි යහනේ ඉඳන්ම තරුණ රජාව බිලිබා ගන්න තමා උත්සහය. සර්සිව ආපහු ගම් පළාත වෙච්ච කාස්ට්ලි රොක් දිහාටම යවන්න බෝලෙ බස්සන්න හැදුවට සර්සි නම් ඒකට අහුවුණේ නෑ. ඒ වෙනුවට මාජරිට වැඩේ දෙන්න තමා දැන් සර්සි දඟලන්නෙ.

මේ අස්සෙ ගණිකා නිවාසයකදි ලාන්සල් ඇතුළු ආගමික කණ්ඩායමේ පහර දීමට හා නිරුවතින් පාරේ ඇවිද්දීමට ලක්වෙන සත් ආගමේ නායක පූජකයා සර්සිගෙන් ඉල්ලා සිටිනවා ඒ ආගමික කණ්ඩායමේ නායකයව මරලා දාන්න කියලා. හැබැයි ඒ වෙනුවට සර්සි කරන්නෙ නායක පූජකයව හිරේට දාල ආගමික කණ්ඩායමේ පහර දීමට හා නිරුවතින් පාරේ ඇවිද්දීමට ලක්වෙන සත් ආගමේ නායක පූජකයා සර්සිගෙන් ඉල්ලා සිටිනවා ඒ ආගමික කණ්ඩායමේ නායකයව මරලා දාන්න කියලා. හැබැයි ඒ වෙනුවට සර්සි කරන්නෙ නායක පූජකයව හිරේට දාල ආගමික කන්ඩායමේ නායකයට නායක පූජක කම දෙන එකයි. ඒකට හේතුව මේ කොටසෙදි දකින්න ලැබෙයි. මේ අස්සෙ පීටර් බේලිෂ්ට පණිවිඩයක් යවන්න කියලා සර්සි කයිබර්න්ට කියන වෙලාවෙදි, කයිබර්න්ගේ පරීක්ෂණාගාරයේ ඉන්න ග්‍රෙගෝර් ක්ලේගන් ගේ සිහි නැති සිරුර ගැහෙන්න ගන්නවා. (මතකයිනේ ඕබ්‍රන්ව මරන්න කලින් අනින විෂ කවපු හෙලි පාර හින්දා මැරෙයි කිව්වට, කයිබර්න් කියනවනේ බේරගන්නම් හැබැයි මිනිහා වෙනස් වෙයි කියලා.)

උතුරේදී….

නටඹුන් වෙච්ච වින්ටර්ෆෙල් නම් ස්ටාක් වරුන්ගේ බලකොටුව දැන් අලුත් වැඩියා කරමින් ඉන්නෙ. පණපිටින් හමගැහීමත් ජයටම එහෙ සිද්ද වෙලා තියෙනවා. මේ අතර රූස් හා රැම්සි බෝල්ටන් ලට කෑම පිළිගන්නවන කොට රීක් හෙවත් කලින් ග්‍රේජෝයිට ඇහෙනවා, ලැනිස්ටර් සහය ගැන විශ්වාසය තියන්න බැරි හින්දා සහ දැන් උතුර පාලනය කරන්න අවශ්‍ය තරම් හමුදාවක් ඔවුන්ට නැති නිසා ඔවුන් විවාහයක් හරහා ඔවුන්ගේ උරුමට ශක්තිමත් කරගම්මු කියල කතාවෙනවා.

මේ අතර මෝට් කේලින් වලදි පීටර් බේලිෂ් කියනවා සන්සට රැම්සිට බන්දල දෙන්න එකඟ වුණා කියලා. මුලින් සන්සා තමුන්ගේ මව හා අයියව මරපු රූස් බෝල්ටන් ගැන අප්‍රසාදය පළකළත් පස්සෙ එයට එකඟ වෙනවා. ඊට පස්සෙ එයාල වින්ටර්ෆෙල් වලට ආවහම රැම්සි ඇයට වහ වැටුන බව පෙන්වනවා. ඊට පස්සෙ සර්සිගෙන් බේලිෂ්ට ලැබෙන පණිවිඩය හින්දා රූස් බෝල්ටන්ට බේලිෂගේ අරමුණු ගැන සැකයක් ඇති වුණත් බේලිෂ් කියනවා කලින් වතාවේ (ස්ටාක්වරු හා බැරැතියන් වරු ප්‍රමුඛව මෝඩ රජාට විරුද්ධව ඇතිකළ කැරැල්ල) උතුර හා එයිරි එකතු වුණාම ටාගේරියන් රාජ පරම්පරාව බිම දාපු හැටි ගැන මතක් කරල දෙනවා.

මේ අස්සේ බ්‍රියෙන්නෙ හා පොඩ්‍රික් දෙන්නා සන්සා පස්සෙන් මෝට් කේලින් මඟහැර වෙන පාරකින් වින්ටර්ෆෙල් යන්න තීරණය කරනවා.

ප්‍රාකාරයේදී…

අලුත් නයිට්ස්වොච් ප්‍රධානිය වෙච්‍ච ජෝන් ස්නෝව් ස්ටැනිස්ව හම්බවෙලා යෝජනාව ප්‍රතික්ෂේප කරලා අහනවා ස්ටැනිස්ගේ හමුදාව එහෙන් යන්නෙ කවද්ද කියලා. මොකද හමුදාවකට කන්න දෙන්න සැපයුම් මදකම නිසා. සති දෙකක් ඇතුළත ඔවුන් පිටවෙන බව පවසනවා. ඊට පස්සෙ ඩාවෝස් ස්නෝව්ට පැහැදිලි කරල දෙනවා, බෝල්ටන්ලා උතුර පාලනය කරනකම් උතුර දුක් විඳින හින්දා ඔවුන්ව එළවන්න සහය දෙන ලෙස.

ඊට පස්සෙ ස්නෝව් නව පත්වීම් දෙනවා තමුන්ගේ ලොකුම වෛරක්කාරයා වෙච්හ්ක සර් ඇලිසර්ව ප්‍රධාන රේන්ජර්වරයා කරමින්. ඊටපස්සෙ එයාගේ නැට්ට වගේ ඉන්න ජැනෝස්ට දෙන වගකීම එයාට දිරවන්නෙ නැතුව එකට එක කියන්න ගිහින් අන්තිමේ ජෝන් අතින් මැරුම් කනවා. ඒ වගේම ස්ටැනිස් ඈත ඉඳන් ඒක අනුමත කරන බවකුත් ඔහු දකිනවා.

පටු මුහුදෙන් එහා….

බ්‍රාවෝස් වල…

ආර්යා දකිනවා ජැකෙන් හගාර්ගේ මූණ තියෙන කෙනා තව කෙනෙක්ට වතුර දෙනවා. ඊට පස්සෙ එයා යාච්ඤා කරන්න ගියාට පස්සෙ ආර්යා තමුන්ව තාමත් පුහුණු කරන්න නොගත්ත හේතුව අහනවා. ජැකන් කියනවා ආර්යට ඕනා තමුන්ටම සේවය කරගන්න විතරයි කියලා. ඊට පස්සෙ යාච්ඤා කරන කෙනා මිය ගියාම ඔහුගේ මිනිය ආර්යා අහන ප්‍රශ්න වලටවත් පිළිතුරු නොදී රැගෙන යනවා.

ඊට පස්සෙ තවත් කෙනෙක් එක්ක සටනක් පටන් ගන්න ආර්යා තමුන්ගේ අයියගෙන් තෑගි ලැබුණ ඉඳිකට්ට කියන කඩුවෙන් අනින්න සූදානම් වෙනවා රණ්ඩුව බේරන්න එන ජැකෙන් දකිනවා. ඔහු අහනවා ආර්යා වටේ ආර්යගේ බඩු තියෙනකොට කොහොමද මූණු රහිත කෙනෙක් වෙන්නෙ කියලා. ඊට පස්සෙ ඇයට සිදුවෙනවා තමුන් සන්තක සියල්ල මුදට විසි කරන්න. ඒත් ඇය කඩුව කොහොමහරි හංගනවා. ඊට පස්සෙ ඇයවත් ගෙනියනවා මිනිය පිරිසිඳු කරන තැනට.

වොලන්ටිස් වලදී…

වොලන්ටිස් වලදී අපේ කොට ආදිපාදතුමාව, ඩැනේරිස් පිටුවහල් කරපු ජෝරා මෝමන්ට් විසින් පැහැරගන්නවා. ඔහු අදහස් කරන්නෙත් ඔහුව ඩැනේරිස් ගාවට ගෙනියන්නම තමා. බලන්නකෝ මේ කොටසේ මොකක්ද වෙන්නෙ කියලා.

හරි එහෙනම් සඳුදට හරි කොපියෙන් ලබන සතියෙ හමුවෙමු.

පසුබිම් විස්තර ලිපි.
1) අදාල භූමියේ සිතියම් සමඟ විස්තරය.
2) මේ වන තෙක් සම්පූර්ණ ඉතිහාස කතාව සරලව.
3) ඇදහීම් හා නයිට්වරු.
4) ප්‍රබල වංශවත් පවුල් – පළමු කොටස.
5) ප්‍රබල වංශවත් පවුල් – දෙවන කොටස.
6) ඓතිහාසික යුද්ධ හා කැරළි – පළමු කොටස.
7) ඓතිහාසික යුද්ධ හා කැරළි – දෙවන කොටස.
8) ඓතිහාසික යුද්ධ හා කැරළි – තෙවන කොටස.
9) තරිඳු සහෝගේ යූටියුබ් කුප්පි ටික.380

 

<< Previous Episode                      All Episodes                        Next Episode >>