Game of Thrones [S7E07 – The Dragon and the Wolf] with Sinhala Subtitle (18+) | එකමුතුව, රහස හා ප්‍රාකාරය. [සිංහල උපසිරැසි සමඟ]

මේ කතා සමයත් අවසානයි එහෙනම්. මම හිතනවා ඔයාලට පරක්කු නොවී බලන්න සබ් එක ඉක්මනින්ම දෙන්න ලැබුණා කියලා. සයිට් එකට ආව අයගේ දිරි ගැන්වීම් මැද වගේම කෙනෙක් දෙන්නෙක්ගේ දොසුත් අහගෙන තමා මේ වැඩේ කළේ. ඒ අහපු දොස් ගැන නම් ඇත්තටම කියල වැඩක් නෑ. ෆොන්ට් සයිස් ලොකු කරගෙන, සබ් එක ස්ක්‍රීන් එක පුරා පේන එකට වැරදිකාරයා මමයි. සබ් එකේ අගයි මුලයි නම් දාන එකත් වැරැද්දක්. තවත් වැඩකාරයෝ සබ් එක අරන් ඒවා මකලා දාන්න කියල එහෙම උපදෙස් දීලා තිබ්බා. වැඩේ කියන්නෙ සයිට් එකේ කමෙන්ට් එකක් දාලා හරි මේල් එකක් එවල හරි අවුල විසඳගන්නෙ නැතුව කෙලින්ම මූණූ පොතෙන් තමා ප්‍රසිද්ධියේ චෝදනා කරන්නේ. අනේ මේ වගේ උදවියට සබ් එක පරිවර්තනය කරන්න මොකටද මමත් කාලෙ නාස්ති කරන්නේ. කියලත් හිතෙනවා වෙලාවකට නම්. 🙁

හරි එහෙනම් කතාව දිහාට හැරෙමු. මේ අන්තිම කොටසයි. බොහෝමයක් සිදුවීම් අද සිද්ධ වෙනවා. ඊට කලින් අපි වෙනද වගේම සිතියම ඇසුරෙන් බලමු කලින් කොටසේ වෙච්ච දේවල් වුණේ කොහෙදිද කියලා.

ප්‍රාකාරයෙන් පිටතදී ( සිතියමේ අංක 01 )

ජොන්, ටෝමුන්ඩ්, හවුන්ඩ්, ජෝරා, බෙරික්, තෝරෝස් හා ගැන්ඩ්‍රි කියන සත් දෙනා තව කිහිප දෙනෙක් එක්ක මළ හමුදාවෙන් එකෙක්ව අල්ල ගන්න යනවා. එකෙක්ව ඔවුන් කොහොමහරි අල්ල ගත්තට ඒ වෙද්දිත් තෝරෝස් මිය යනවා. මළ හමුදාවෙන් වට වෙන කට්ටියව බේරගන්න ඩැනී මකරු තුන් දෙනා එක්ක ආවට අන්තිමේ එක මකරෙක්ව නිශාචර රජුගේ හෙලි පහරෙන් මිය යනවා. ජොන් වුණත් පණ බේරගන්නෙ බෙන්ජන් ස්ටාක්ගේ ජීවිත පූජාව හින්දයි. අන්තිමේ කොහොමහරි මිය ගිය විසේරියන් මකරාව නිශාචර රජු නැවත පණ ගන්වා තම මළ හමුදාවේ කෙනෙක් කරගන්නවා. එයින් කරන්නෙ මොකක්ද කියලා අද බලන්න ලැබෙයි.

ප්‍රාකාරයෙන් පහළ මුහුදේදී. ( සිතියමේ අංක 02 )

බෙරික් හා ටෝමුන්ඩ් දෙන්නා නැගෙනහිර බලකොටුවේ නවතිනවා. මරණයේ ආසන්නයටම ගිය ජොන්ව හා ඉතුරු පිරිවර රැගත් නෞකාව ඩ්‍රැගන්ස්ටෝන් බලා පිටත් වෙනවා. ඩැනීට වූ අහිමිවීම ගැන පසුතැවෙන ජොන් තමා ඩැනීට දණ නමන බව දැනුම් දෙනවා.

වින්ටෆෙල් හිඳී… ( සිතියමේ අංක 03 )

ආර්යා සන්සාගෙන් ලිපිය පිළිබඳව විමසනවා. සන්සාගේ නිදහසට කරුණු දැක්වීම් ආර්යා පිළිගන්නෙ නෑ. බේලිෂ් නම් කියන්නෙ අක්ක නගෝගේ වලියකට බ්‍රියෙන් මැදිහත් වෙන්න බැඳිලා ඉන්නවා කියන එකයි. හැබැයි කොහොමහරි සර්සි ගේ පණිවිඩයක් මත සන්සාව නියෝජනය කිරීමට බ්‍රියෙන්ව කිංග්ස්ලෑන්ඩින් යවන්න සන්සා තීරණය කරනවා. ඒ වගේම ආර්යාට කෙනෙක්ගේ මුහුණු වලින් අදාල කෙනා විදියට හැසිරෙන්න, වෙස් වලාගන්න හැකි බව සන්සාට කියනවා.

ඩ්‍රැගන්ස්ටෝන් වල… ( සිතියමේ අංක 04 )

සර්සිගේ හමුවට ඩැනී යා යුතු විදිය හා වෙනත් කරුණු ට්රියන් හා ඩැනී කතා බහ කරනවා. හැබැයි ඩැනී ඒ කතාව නවත්වන්නෙ තරහ අරගෙනයි. විශේෂයෙන්ම ඩැනිට ළමයි හදන්න බැරි බන්ධයක් තියෙන හින්දා ඩැනීට මොකක් හරි වුණොත්, ඒ වෙනුවට රජකම් කරන්න පත් කරන්නෙ කවුද කියන ප්‍රශ්නය ගැන ඩැනී එච්චර මනාපයක් දක්වන්නෙ නෑ. ඩැනී කියන්නෙ මුලින් රජ වෙලා පසුව ඉතිරි වැඩ ගැන බලමු කියලයි. ඒ වගේම ඩැනී ජොන්ව බේරගන්න යන්නෙත් ට්රියන්ගේ බලවත් විරෝධය මැද්දෙයි.

ඔන්න අදනම් තරිඳු අයියගේ ලිපිය තියෙනවා. එහෙනම් ඊට කලින් තරිඳු අයියාට හා නෙරංජි නගාට ස්තූති වන්ත වෙනවා බයිස්කෝප් එකත් එක්ක මේ කතාමාලාවේ අපි නොදකින පැති අපි එක්ක බෙදාගත්ත එක ගැන. එහෙනම් අපි ගියා. ජයම වේවා෴෴

මෙන්න එහෙනම් තරිඳු අයියගෙ ලිපිය.

මුලින්ම සමාව ඉල්ලනවා. මේ සැරේ මට උපසිරැසි ලිපියට දායක වෙන්න වුණේ මේ ලිපිය එක්ක තුන් සැරයයි. Video වැඩිපුර කරපු නිසා, වැඩි කාලයක් ඒවට වැය වුණා. Game of Thrones 7 වෙනි කතා මාලාවේ අවසාන කොටස නම් කරලා තියෙන්නෙ “The Dragon and the Wolf” කියල. “මකරා සහ වෘකයා”, නම හරියට පොඩි කාලෙ අහපු කතාවක නමක් වගේ. එක විදිහට ගත්තම මේක Ice and Fireවලට තවත් නමක් වගේ. වක්‍රාකාරයෙන් මොවුන් කතාවේ ප්‍රධාන තේමාවට ජෝන් ස්නෝ සහ ඩැනේරිස් ටාගේරියන් ළඟා කරනවා විතරක් නෙවෙයි, එහි තියෙන විවිධ අර්ථ ගැනත් අපිට යම් අදහස් ලබා දෙනවා.

ලියානා ස්ටාක් සහ රේගා ටාගේරියන්

දැනට පවතින තර්ජනය වන whitelwalkersල සහ army of dead ගැනත්, ඊට විරුද්ධව මිනිසුන් හසුරන වීරයා වන (අ)සෝ අහායි ගැනත් වන Prophecy එක රේගා ටාගේරියන් තදින්ම විශ්වාස කරා කියල අපි දන්නවා. මුලින්ම ඔහු හිතාගෙන හිටියේ (අ)සෝ අහායි නැවත පැමිණීම කියන්නෙ තමුන් කියල. නමුත් පස්සෙ ඔහු තේරුම් ගත්තා, ඒක එහෙම නෙවෙයි, තමන්ගේ දරුවෙක් තමයි ඒ අනාවැකියට ගැළපෙන්නෙ කියල. Song of Ice and Fire, Dragon has three heads කියන අනාවැකි ගැන ඔහුට තවත් ඒත්තු ගැන්වුණේ උතුරු කලාපයේ සීතල වින්ටෆෙල් සිට පැමිණි ලියානා ස්ටාක් මුණ ගැසුනට පස්සෙ. රේගාට ලියානා ගැන ආදරයක් ඇති වුණා වගේම, ලියානාටත් රේගා ගැන ආදරයක් ඇති වුණා. ඔවුන්ගේ ආදරය මල් පණගන්නත්, මේ සුවිශේෂ අනාවැකි සම්පූර්ණ කරන්නත් ඔවුන් හොර රහසේම පැනල ගියා. මෙතෙක් දරුවන් දෙදෙනෙකු සමග ඒලියා මාටෙල් සමග තිබුණු විවාහය කටුගාල, රේගා ටාගේරියන් ලියානා ස්ටාක් (the dragon and the wolf) එක්ක විවාහ වුණා. (වචන හරියට “මේ ආදරයයි” review එකක් වගේ නේ :D)

රේගා, දැනට ඔහුට සිටිය දරුවන් දෙදෙනාට වඩා, ලියානාට දාව ඉපදෙන්න සිටිය දරුවා (ජෝන් ස්නෝ) ගැන විශේෂයක් තිබුණා කියන කාරණාව පැහැදිලියි. තමන් විවාහ වෙන්න හිටිය ලියානා පැහැරගත්තා කියන කාරණාව මුල් කරගෙන රොබර්ට් බැරතියන් විප්ලවය ආරම්භ වෙද්දිත්, ලියානාගේ තාත්තා සහ මාමාව Mad King විසින් මරා දැමූ හේතුව නිසා ස්ටාක් ප්‍රමුඛ රාජධානියේ මුළු උතුරු කලාපයම ඒ විප්ලවයට එක්ව සිටියදීත්, ලියානා සහ රේගා ඔවුන්ගේ සම්පූර්ණ අවධානය යොමු කළේ තමන්ට ඉපදෙන්න ඉන්න දරුවා ගැන විතරයි. යුද්ධවල අවසාන බාගයේ රේගා ටාගේරියන් රොබර්ට් බැරතියන් එක්ක ද්වන්ද සටනකට ගිහිං මිය යද්දිත්, කිංස්ලෑන්ඩින්හිදි රේගාගේ (කලින්) බිරිද සහ දරුවන් මිය යද්දිත්, රේගාගේ හොඳම සගයෙකු සහ රාජ්‍ය ආරක්ෂක කණ්ඩායමේ සාමාජිකයෙකු වුණ ආතර් ඩේන් තවත් සාමාජිකයන් දෙදෙනෙකු සමග Tower of Joyහි ලියානා ස්ටාක් සහ අලුත උපන් දරුවා වුණ ජෝන් ස්නෝව (the song of ice and fire) ආරක්ෂා කරා. ආතර් ඩේන් ඉදිරියට එන යුද්ධ ගැන රේගාගෙ තිබුණු විශ්වාස දැනගෙන සිටියා විතරක් නෙවෙයි, ඔහුත් ඒ අනාවැකි විශ්වාස කරා කියල අපිට හිතන්න පුළුවන්. රොබර්ට් බැරතියන් යුද්ධය ඉවර වෙලා නෙඩ් ස්ටාක් ලියානා ස්ටාක්ව හොයාගෙන Tower of Joy වෙත ගියාම, එහි සිටිය ආතර් ඩේන් සඳහන් කරේ යුද්ධය ආරම්භ වෙන්නේ දැන් කියලයි.

Arthure Dayne: “I wish you good fortunes in the wars to come. And now it begins.”
Ned Stark: “No… Now it ends.”

ජෝන් ස්නෝ

ජෝන් ස්නෝ ලියානාගේ සහ රේගා ටාගේරියන්ගෙ දරුවෙකු කියල දැනගෙන හිටියේ නෙඩ් ස්ටාක් සහ හොලන්ඩ් රීඩ් පමණයි. රොබර්ට් බැරතියන්ගෙ හිතේ ටාගේරියන්ල ගැන තිබුණු වෛරයත්, තවත් ටාගේරියන් කෙනෙකු ඉතිරිව සිටීම රොබර්ට් අලුතින් ලබා ගත් රජකමට තර්ජනයක් නිසාත්, නෙඩ් ස්ටාක් ජෝන් ස්නෝව වින්ටර්ෆෙල්වලට අරගෙන ආවෙ තමන්ගෙ පුතෙක් විදිහටයි. මේ රහස ඔහු ඔහුගේ බිරිඳ වුණු කැටලීන් ටලීගෙන් පවා වසන් කර සිටියා. ඇය ජෝන් ස්නෝ ගැන ඇහුවහම නෙඩ් ස්ටාක්ගෙ පිළිතුර වුණේ “මේ මගේ ලේ. එපමණයි නුඹ දැනගත යුත්තේ” කියල. මතුපිටින් එහි අදහස ‘ජෝන් ස්නෝ නෙඩ් ස්ටාක්ගෙ පුතෙක්’ වුණාට, එහි අදහස ජෝන් ස්නෝ ලියානා ස්ටාක්ගෙ පුතෙකු බවයි. ඒ වගේම මිය යන්න මොහොතකට කලින් ලියානා නෙඩ් ස්ටාක්ට රහසක් කියනවා. ඒ රහස සම්පූර්ණයෙන්ම මොකක්ද කියල අපි දන්නෙ නෑ. නමුත් රොබර්ට් බැරතියන්ගෙන් දරුවාව ආරක්ෂා කරගන්න කියන පොරොන්දුව ලියානා විසින් ලබාගන්නා බව පැහැදිලියි. නමුත් ඊට අමතරව සමහරවිට ජෝන් ස්නෝ ගැන රේගාගෙ තිබුණු විශ්වාසය ලියානා නෙඩ් ස්ටාක්ටත් හෙළි කළා වෙන්න පුළුවන්.

ඒ අනුව ජෝන් ස්නෝ කියන්නෙ වෘකයන් අතර ඇති දැඩි වුණ මකරෙක්. (ආයෙත් අර පොඩි කාලෙ අහපු කතා මතක් වෙනවා නේ? මම ලියන්න දක්ෂ නෑ යාළුවනේ, video හදන තරම්) ඔහු ඉතා පහළ තැනක ඉඳල, බොහෝ තර්ජන, අභියෝග සහ දුක් විඳලා පළමුව Night watch එකේ ඉහළම තැනත්, දැන් උතුරේ රජ බවටත් පත් වෙලා තියෙනවා. ඔහු කවදාවත් බලය හොයාගෙන ගිය කෙනෙක් නෙවෙයි. ඔහු මිනිසුන් වෙනුවෙන් කරපු කැපකිරීම් නිසා ඔහුට ගෞරව බුහුමන් වගේම තාඩන පීඩනවලටත් මුහුණ දෙන්න සිදු වුණා. එහි උච්චතම අවස්ථාව වුණේ Night watch එකේම පිරිසක් ඔහුව මරා දැමීම. ඔහුත් දැනගෙන නොහිටියට දැන් Iron Throne එකේ නියම උරුමක්කාරයා ඔහුයි.

ඔහු වගේම ඉතා පහළ තැනකින් පටන්ගෙන, තාඩන පීඩන, ජීවිත තර්ජන සහ අභියෝග මැද මිනිසුන් වෙනුවෙන් කැප වුණ, Iron Throne එකට තමන්ට ඇති උරුමය සොයාගෙන ආ කෙනෙක් ඉන්නවා. ඒ තමයි…

ඩැනේරිස් ටාගේරියන්

ඩැනේරිස් ටාගේරියන් සමග දැන් විශාල සේනාවක් සිටියත්, ඇය කතාව මුලදී විසේරිස්ට හමුදාවක් ලබා ගන්න දොතරාකි නායකයාට විකුණුනු ගැහැණියක්. ඉන්පසුව ඇයගේ චරිතය මුහුණ දුන්න සිද්ධි ගැන පළමු එපියෙ උපසිරැසි ලිපියෙත් මම සඳහන් කරා. දැන් ඇයට පක්ෂපාත ඩෝන්, හයිගාඩ්න් කලාපවල සහයෝගය නැතිව ගිහිං, යාරා ග්‍රේජෝයි පවා සතුරන්ගේ අතට පත්ව ඉද්දි; ඩැනේරිස් කියන මකරාට උතුරේ වෘකයන්ගෙ සහයෝගය දැඩිව අවශ්‍ය වෙලා තියෙන්නෙ. උතුරේ අනෙකුත් නායකයන් ටාගේරියන් කෙනෙකු විශ්වාස නොකරත්, ඩැනේරිස් සහ ජෝන් ස්නෝ (the dragon and the wolf) ඔවුනොවුන්ගේ පෞර්ෂ හරි හැටි තේරුම් අරගෙන තියෙන නිසා, ජෝන් ස්නෝ උතුරේ අයිතියත් ඩැනේරිස්ගෙ පාලනයට භාර කළා. එය රොබර්ට් බැරතියන් රජ වෙද්දි, නෙඩ් ස්ටාක් උතුර පාලනය කරනවා හා සමාන එකඟතාවක්.

මේ තීරණය ගන්න ජෝන් ස්නෝ හිතුවේ Night king සහ ඔහුගේ හමුදාවට මුහුණ දෙන්න තියෙන එකම විදිහ ඩැනේරිස් සතු මකරන් නිසා. එම කාරණාව ප්‍රතික්ෂේප කරලා ජෝන් ස්නෝ හිටියොත් අවසානයේදි ඔහුගේ උතුරේ ජනතාවට ජීවිතවලින් වන්දි ගෙවන්න සිද්ධ වෙන බවත් ඔහු තේරුම් ගන්නවා. නමුත් ඊටත් වඩා සිත් ඇදගන්නා සුළු කාරණාව වෙන්නෙ, ජෝන් ස්නෝ සහ ඩැනේරිස්ගෙ එකතුවකින් ඔවුන්ට ළමයෙක් ලැබේවිද කියන එකයි (song of ice and fire). තමන්ට නැවතත් දරුවෙකු ලැබෙන්නෙ නෑ කියල ඩැනේරිස් විශ්වාස කරත් එය දුර්ලභ දෙයක් මිස සිදුවිය නොහැකි දෙයක් නොවන බව මම 6 වෙනි එපියේ video review එකේදිත් සඳහන් කරා.

ජෝන් ස්නෝ ඔහුගේ සැබෑ උරුමය ගැන දන ගනීවිද? ජෝන් ස්නෝ සහ ඩැනේරිස් අතර ඇති වී තියෙන සම්බන්ධය සහ විශ්වාසයට ඒ මගින් බලපෑමක් ඇති වේවිද? ජෝන් ස්නෝ උතුරේ පාලනය ඩැනේරිස්ට යටත් කර දීම අනෙකුත් උතුරේ නායකයන් පිළිගනීවිද? ජෝන් ස්නොගේ ටාගේරියන් උරුමය ගැන ඔවුන්ගේ අදහස මොන වගේ වේවිද? මේ හැමදේම මැද සර්සි මොකාටද එන්න හදන්නෙ? ඒ හැම දෙයක්ම දැනගන්න අපිට ඉතිරි වෙලා තියෙන්නෙ 8 වෙනි කතා මාලාවත් ඇතුළුව කොටස් 7ක් පමණයි.

කතාවේ නියම රස ගැනීමට කියවියම යුතු පසුබිම් විස්තර ලිපි.
01) අදාල භූමියේ සිතියම් සමඟ විස්තරය.
02) මේ වන තෙක් සම්පූර්ණ ඉතිහාස කතාව සරලව.
03) ඇදහීම් හා නයිට්වරු.
04) ප්‍රබල වංශවත් පවුල් – පළමු කොටස.
05) ප්‍රබල වංශවත් පවුල් – දෙවන කොටස.
06) ඓතිහාසික යුද්ධ හා කැරළි – පළමු කොටස.
07) ඓතිහාසික යුද්ධ හා කැරළි – දෙවන කොටස.
08) ඓතිහාසික යුද්ධ හා කැරළි – තෙවන කොටස.
09) රතු දෙවියන් සහ Azor Ahai (අසෝ(ර්) අහායි)
10) ඩෝන් වලට Prince තනතුර ආ හැටි
11) යූරොන් ග්‍රේජෝයි හා Faith Militant
12) Tower of Joy, ඩැනේරිස් ටාගේරියන් සහ දොතරාකි හමුදාව
13) තරිඳු සහෝගේ යූටියුබ් කුප්පි ටික.
14) නෙරංජි නගාගේ සිංහල රිවිව් ලිපි.

 

 

Works with – All Web-DL and HDTV-UAV Releases. / BR – PSA

 

Subtitle Contributor Rank

ADMIN MEMBER
JOINING DATE – 2009/03/10
SUB MAKER RATING BY ADMINS