Tamiluku En Ondrai Aluthavum (2015) | බෝම්බය.. [සිංහල උපසිරසි සමඟ]

කොහොමද යාළුවනේ………. හැමෝම හොදින් නේද.. ඔන්න මම මෙදා සැරේ අරගෙන ආවේ පවුලේ හැමෝටම එකට ඉදගෙන බලන්න පුළුවන් සුපිරි දමිළ බයිස්කෝප් එකක් ඔයා දමිළ බලනවනම් මේකත් අනිවාර්යයෙන්ම බලන්න කියලා ආරාධනා කරනවා. මොකද මේක බලනකොට කිසිම පාළුවක් දැනෙන්නේ නෑ… අනික බොක්ස් ඔෆිස් වාර්තා තියපු එකක් ඒකට හේතුව විදිහට කියලා තිබ්බේ නම් සංකල්පනය හොඳ නිසා කියලයි..

නම තමයි Tamizhuku En Ondrai Azhuthavum මේක තිරගත කිරීම ආරම්භ කළේ නම් 2015 පෙබරවාරි 20 මේකට IMDB මීටරෙන් 6.8 ලැබිලා තියෙනවා. මේකෙ Nakhul, Dinesh, Bindhu Madhavi, Aishwarya Dutta සහ දෙමළ සුපිරි විකට නළුවන් දෙදෙනෙකු වන Satish, Manobala (මේ දෙන්නගේ වැඩ ගැන දන්නවනේ) සහ තවත් විශාල නළු නිළියන් ප්‍රමාණයක් රංගනයෙන් දායක වෙලා තියෙනවා

හොඳ කොපියක් ඇවිලා නම් ටික දවසක් වෙනවා…. (දැන් බලනවා ඇති මේක දෙන්න මූ මෙච්චර පරක්කු වුණේ ඇයි කියලා නේද.. ?) ඒකටත් සාධාරණ හේතුවක් තියෙනවා හොදේ… සමීර චතුරංග අයියා තමයි මට මේ බයිස්කෝප් එක හොයල දුන්නෙ.. ඉතින් වැඩේ කරන්න පටන්ගන්නකොටම වැඩේ අවුල් මොකද මේකට නිකුත්වෙලා තියෙන ඉංග්‍රීසි උපසිරසියේ ටයිම් අවුල් කතාව කොහෙදෝ උපසිරසිය කොහෙදෝ (තව ගොඩක් ප්‍රශ්න තිබ්බා හොදේ…) ඇවිල්ලා තියෙන කිසිම කොපියකට සෙට් වෙන්නෙ නෑ….. ඉතින් මම බයිස්කෝප් රසික රසිකාවියෝ වෙනුවෙන් කොපියට හරියන්න ලයින් ගාන හැදුවා හැබැයි ලයින් ගාන 2200 කටත් වැඩියි (මාරම කට්ට්ක් කෑවේ අප්පා.. ) මේකෙ තිබ්බ අඩුපාඩු සේරම හදලා බලනකොට ටිකක් කල් ගිහින්… දැන් ඇති… අපි කතාව පැත්තට යමු..

ත්‍රස්තවාදීයෙක් නගරයේ බෝම්බයක් පිපිරීම සඳහා පැමිණෙනවා.. ඒකට මොහු යොදාගන්නේ කුලීරථ රියෙදුරෙක් වන රාජගේ (Satish ) කුලීරථය නමුත් රාජා මේ ගැන දන්නෙ නෑ.. ඒත් ත්‍රස්තවාදිය එක හේතුවක් නිසා බෝම්බය පුපුරන්න බෑ… එදාම එක්තරා හේතුවක් නිසා චෙන්නායි නගරයේ සම්පූර්ණ ජංගම දුරකථන ජාලයම ඇනහිටිනවා… ඒ අතර මුකිල් (Dinesh) අමාරුවෙන් කැමැත්ත අරගත්ත එයාගේ පෙම්වතිය සිමී (Bindhu Madhavi) මුකිල් වැඩකරන තැන වළක හිරවෙනවා.. හැබැයි එක හේතුවක් නිසා ඇයත් ලොකු අවදානමක එතනින් ඇයට බේරෙන්න තියෙන එකම විදිහ මුකිල්ට යවන කෙටි පණිවිඩය… මේ අතර දක්ෂ තාක්ෂණික වැඩකරුවෙක් වන වසන්ත් (Nakhul) හදන්නේ මේ ගැටලුව නිරාකරණය කරන්න… මේ කාරණා සියල්ල එකි නෙකට ලස්සනට සම්බන්ධ කරලා තියෙනවා..

මේ සම්බන්ධය මොකක්ද? ත්‍රස්තවාදියට බෝම්බය පුපුරන්න හැක්වෙයිද? වසන්ත් මේ ගැටලුව නිරාකරණය කරන්නේ කෙසේද? ඔහුට මෙය කරන්න පුළුවන් වෙයිද? ජංගම දුරකථන ජාලය ඇණ හිටියේ ඇයි? දුරකථන ජාලය නැවත වැඩකරයිද? මුකිල්ට තම පෙම්වතිය බේර ගැනීමට හැකිවෙයිද? රාජා බෝම්බය ගැන දැන ගනීද? මේවට පිළිතුරු දැන ගන්න නම් මේක බලන්නම වෙනවා..

මෙය වෙනස්ම වෙනස් කතාවක්……. ඒක බැලුවොත් තේරෙයි…. මේකෙත් වැරදි අඩුපාඩු තිබ්බොත් කියන්න හොදේ… ඒ වගේම මම කාපු කට්ට්ට හරියන්න අදහසක් දාලා යන්න හොදේ….තවත් උපසිරසියකින් හමුවෙන බලාපොරොත්තුවෙන් අදට සමුගන්නවා ජය වේවා…..

705 MB (DVD) කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “චාමික දිල්හාර (දිලා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.