The Terminal (2004) with Sinhala Subtitles | අපූරු මිනිසෙක්…[ [සිංහල උපසිරසි සමඟ]

ඔන්න කාලෙකට පස්සෙ මම සිංහල උපසිරැසියක් ඕගොල්ලො වෙනුවෙන් ගෙනාව . මම පහුගිය ටිකේ උපසිරැසි ගැන්වීම් වලින් ඈත්වෙලයි හිටියෙ. ඒත් ආපහු මේ විදිහට උපසිරැසි යොදන්න කියල මාව දිරිමත් කරේ අපේ විකිය සහෝදරය තමයි. ඇත්තටම මේක මම තනියෙන් කරපු උපසිරැසියක් නෙවෙයි. වෙනත් සහෝදරයෙක් විසින් අඩක් උපසිරැසි ගන්වා තිබුණු මේ චිත්‍රපටයේ උපසිරැසිය සම්පූර්ණ කරල දෙන්න කියල විකිය සහෝ කල දිරිගැන්වීමත් එක්කයි මේ වැඩේට අතගැහුවෙ. මේක මම බ්‍රහස්පතින්ද දෙනව කියල තමයි මුලින්ම පොරොන්දු වුනේ. ඒත් ඊට වඩා ටිකක් කල් ගතවුනා. මොකද මේක දෙදෙනෙක් විසින් කල උපසිරැසි ගැන්වීමක් නිසා මේක බලන කෙනාට ඒ භාවිතා කරල තියෙන වචන වල වෙනසක් නොදැනෙන්න සුළු වෙනස් කිරීම් කිහිපයකුත් කරන්න වුනා. ඒකයි පරක්කු වුනේ. හොදයි එහෙනම් කතාව ගැනත් පොඩි හැදින්වීමක් දෙන්නම්කො.

කතාව ආරම්භ වන්නේ වික්ටර් නවෝසකි නැමැති නැගෙහිර යුරෝපීයයෙක් නිව්යෝක්හි පිහිටි ජෝන්.එෆ්.කෙනඩි අන්තර්ජාතික ගුවන්කොටුපලට සම්ප්‍රාප්ත වීමත් සමගයි. මොහු තමන්ගෙ රටින් (ක්‍රකෝසියාව) පැමිණියාත් සමගම එරට හමුදා කුමන්ත්‍රණයක් සිදුවෙනවා. ඇත්තටම නවෝසකි මේ පිළිබද කිසිවක් මේ වෙනකොට දන්නැහැ. ඕගොල්ලො දන්නවත් ඇති මේ විදිහට හමුදා කුමන්ත්‍රණයක් මගින් පවතින රජයක් බලයෙන් පහකරල නව පාලනයක් බිහිවුනාම ලෝකයේ අනික් රටවල් මේ රට නීත්‍යානුකූලව පිළිගන්න කාලයක් ගතවෙනවා. ඉතින් මේ කාලය ඇතුලත එවැනි රටක පුරවැසියෙකුට වෙනත් රටකට පැමිනෙන්න බැහැ. ඒවගේම වෙනත් රටක කිසිම ගුවන් යානයක් ඒ රටට ගුවන් ගමන් සිදුකරන්නෙත් නැහැ. මොකද ඒ රටේ වැසියන්ව නීත්‍යානුකූලව පිළිගන්නැති නිසා. මොකද එහෙම පිළිගත් රාජ්‍යයක් නැති නිසා. ඒත් ඉතින් ඔබ එවැනි සිද්දියකට පෙර තම රටින් ගුවන්ගත වෙලා ඒ සිදුවීමෙන් පස්සෙ වෙනත් රටක ගුවන්තොටුපලකට පැමිණිලා ඒ රටට ඇතුලු වෙන්න උත්සාහ කරොත් මොකද්ද ඇතිවෙන තත්වය.  ඒ ඉතාම අහඹු දේ තමයි වික්ටර් නවෝස්කිට අත්විදින්න වෙන්නේ. දැන් ඔහුට රටක් නැහැ. ජාතියක් නැහැ. ඔහුට නැවත යන්නත් බැහැ. කොටින්ම කිව්වොත් ඔහුගෙ නමින් එවැනි රටක පුද්ගලයෙක් නැහැ. තවත් පැහැදිලි කලොත් ඔහු පිළිගත් පුද්ගලයෙක් නෙවෙයි…!

හැබැයි ඉතින් අපේ සමහර සහෝදරවරුන්ට නම් මම මෙච්චර කිව්වත් කතාවෙ අගක් මුලක් තේරෙන්නැතුව ඇති. ඇත්තටම මේක මෙහෙම පැහැදිලි කරන්න බැහැ. මේ ගැන දැනගන්න නම් ඕගොල්ලන්ට මේ විශිෂ්ට චිත්‍රපටය නරඹන්නම සිද්ද වෙනව.

ආහ් මේකෙ ප්‍රධාන චරිතය රඟදක්වන ඒ සුපිරි රංගන ශිල්පියා ගැන කියන්න තව පොඩ්ඩෙන් මට අමතක වෙනවා. ඔහු තමයි ටොම් හෑන්ක්ස්. ඒ වගේම මේ චිත්‍රපටයේ නිෂ්පාදකය තමයි ස්ටීවන් ස්පිල්බර්ග්. දැන් ඉතින් ඕගොල්ලන්ට තේරෙනව ඇතිනෙ මේක සුපිරි නිර්මාණයක් වෙන්න ඕන වග. ඒවගේම මේක IMDB රේටින්ස් වලත් 7.2ක අගයක් ලබාගෙන තියෙනවා. ඉතින් කාලෙකට පස්සෙ බොහොම වෙනස් විදිහෙ සිනමා අත්දැකීමත් ලබන්න ඕන කියල හිතෙනවනම් මේක ඒ සදහා ඕගොල්ලන්ට හොද අවස්තාවක් වේවි…!

පුලුවනිනම් මේක බාගන්න ගමන් කමෙන්ටුවකුත් දැම්මොත් ගොඩක් වටිනවා. මොකද අන්තිමට ඒදේ තමා අපිට ඉතුරු වෙන්නේ. මේකෙ වික්ටර් නවෝස්කි කියන්නෙ ඉංග්‍රීසි භාෂාව කතාකරන්න නොහැකි පුද්ගලයෙක්. ඒ නිසා ඔහු භාවිතා කරල තියෙන කැඩුණු ඉංග්‍රීසි බාසාවට අනුරූපව සිංහල උපසිරැසි ගන්නවන්න උත්සාහ කලා. ඒ නිසා සබ් එකේ ගුණ දොස් ගැනත් පුලුවන්නම් යමක් කියන්නකෝ.

***ලගදීම තවත් උපසිරැසියක් සමග හමුවෙමු***

පෙර පළ කළ ලිපිය.

කාලෙකින් ටිකක් නාට්‍යමය බයිස්කෝප් එකක් අරගෙන එන්න බැරි වුනානේ.. ඔන්න ඒ නිසා අද මම කැමතිම නළුවෙක් සහ නිළියක් රඟ පාන ලස්සන කතාවක් අරගෙන ආව.

සුපිරි නළු Tom Hanks හා සුරූපී නිළි Catherine Zeta-Jones මෙහි ප්‍රධාන චරිත වන Viktor සහ Amelia ට පණ පොවනවා. කතාව කෙටියෙන් මෙහෙමයි.

නැගෙනහිර යුරෝපා ජාතිකයෙකු වන Viktor ඇමෙරිකාවට පැමිණෙනවා. ඔය අතරේ තම මව් බිමේ ඇතිවෙන යුද්ධයක් නිසා ඔහුගේ රට දේශපාලනික වශයෙන් නැති වෙනවා. ඒ නිසා ඇමෙරිකාවටත් තම මව් බිමටවත් යාගත නොහැකිව ඔහු ගුවන් තොටුපොලේ සිර වෙනවා. ඉංග්‍රීසි භාෂාව හරි හැටි නොදත් මොහුට අපූරු සිදුවීම් වලට මුහුණ දෙන්න සිදු වෙනවා. ඒ අතරේ ඔහු සුරූපී ගුවන් සේවිකාවක් වන Amelia සමඟ පෙමින් බැඳෙනවා. ගුවන් තොටුපොලේ ඔහු හැසිරෙන විදිය නම් අපූරුයි, චිත්‍රපටියේ අවසානයේ ඔහු මරු වැඩක් කරනවා. ලස්සන කතාවක්, කවදත් වගේ Tom Hanks  ගේ රංගනය අනගි භවනීයයි. මම Catherine Zeta-Jones ට කොච්චර ප්‍රිය මනාප ද කියල ඔයාල දන්නවනේ.. 😉

Due to copyright issues, we do not provide any torrent link.

මෙම ලබා දී ඇති උපසිරැසි HD පිටපත සඳහා අදාළ වේ.

සිංහල උපසිරැසි මෙතනින් බාගන්න

5727 downloads

මේ ලබා දී ඇති සිංහල උපසිරැසි පිළිබද “ඉසුරු උදාන අබේසිංහ” සොහොයුරාට සහ “සිහින ඉසව්ව” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.