The Departed (2006) Sinhala Subtitles | අවසානයේ ඉතුරුවන්නේ ආචාර මුරවෙඩි පමණි [සිංහල උපසිරැසි සමඟ]

ඔන්න කාලෙකට පස්සෙ මම තවත් සිංහල උපසිරැසියක් අරගෙන ආවා. මීට කලින් මම උපසිරැසි දීපු Chak De India, Rang De Basanti, The Terminal (සිහින ඉසව්ව සහෝ සමග) සහ Blood Diamond කියන මේ හැම චිත්‍රපටයක්ම පරණ වුනත් විශිෂ්ට ගනයේ සිනමා නිර්මාන බවයි මගේ හැගීම. ඉතින් මේකත් ඒවගේම උසස් සිනමා කෘතියක්. මේක IMDb චිත්‍රපට දර්ශකයේත් 8.5ක අගයක් ලබාගෙන තිබෙනවා වගේම IMDb TOP 250 හෙවත් විශිෂ්ටතම චිත්‍රපට 250 අතර 51 වන ස්ථානයේත් පසුවෙනවා. ඒවගේම මෙයට මා කැමතිම රංගන ශිල්පියා වන ලියනාඩෝ ඩිකැප්රියෝ දායක වීමෙන් එහි ඇති විශිෂ්ටත්වය තවදුරටත් වර්ධනය වී ඇති බවයි මගේ හැගීම. චිත්‍රපටය ගැන හැදින්වීමක් නම් කරන්න යන්නෙ නැහැ, මොකද කලින් මේ ගැන ලිපිය පල කල සහෝදරයා ඒ ගැන අංගසම්පූර්ණ හරවත් සටහනක් තබා තිබෙනවා. ඒ නිසා වැඩි දුර ලියන්න අදහසක් නැහැ. මේ චිත්‍රපටයට උපසිරැසි සැකසීමේ අදහස මට ලබා දුන් විකියා සොහොයුරාට මම හදවතින්ම ස්තූති කරනවා. ඔහු තමයි මේ හැම දෙයක් ගැනම සොයා බලලා අපි හැමෝවම දිරිමත් කරමින් අපි හැමෝටම ශක්තියක් වුනේ. චිත්‍රපටය ගැන පොඩි කරුණක් කියන්න තියෙනවා. මෙය අපරාධකරුවන් වටා ගෙතුනු කතා වස්තුවක් නිසා මෙහි භාවිතා වන්නේ පහත් මට්ටමේ වචන මාලාවකුයි. ඒවගේම මෙහි ඇති ඇතැම් දර්ශන නිසාත් මෙය කුඩා දරුවන්ට නැරඹීමට නම් යෝග්‍ය වන්නේ නැහැ…!

ඉතින් අවසාන වශයෙන් කියන්න තියෙන්නේ චිත්‍රපටය බාගන්න ගමන් පොඩි කමෙන්ටුවකුත් දාගෙන යන්න කියලයි. චිත්‍රපටය නරඹලා අවසානයේ උපසිරැසි ගැනත් අදහසක් දක්වන්න පුලුවන්නම් එය අගය කොට සලකනවා 🙂

චිරං ජයතු බයිස්කෝප් සිංහලෙන්…!!!
……………………………………………………………………………

මිට කලින් පළවූ ලිපිය :

ඔබ චිත්‍රපටි නිතර බලන්නෙක්ද? ඔබ මේ චිත්‍රපටිය නොබැලු බව ඔබට කියන්නට සිදුවීම ඇත්තෙන්ම ඔබට විශිශ්ටත්වයෙනුත් ඔබ්බට ගිය අතිසුවිශේශි නිර්මාණයක් මගහැරී ඇති බව මම වගකීමකින් යුතුව කියමි. Martin Scorsese නැවත වරක් තම හුරතල් කොල්ලා Leonardo DiCaprio (මගෙත් ආසම නලුවා) යොදාගනිමින් සෙලුයුලොයිඩ්පටියේ සිත්තම් කර ඇති මේ අපුර්වතම නිර්මාණය…ඔහ්..ඇත්තටම ඔබට මෙය මගහැරුනාද ?.. විශ්වාස කල නොහැකියි…ඔස්කාර් සම්මාන 4 ක්.. ඒ අතර 2006 වසරේ හොදම චිත්‍රපටිය ලැබෙන ඔස්කාර් සම්මානයත්…අනෙකුත් සම්මාන 49 ක්..මෙහි ව්ශිශ්ටත්වය නොවේද ඉන් කියවෙන්නේ…? Martin Scorsese හා Leonardo DiCaprio සුසන්යෝගය සැබැවින්ම ලෝක සිනමාවට සුවිශේශි නිර්මාණ බිහිකරන බවට අනාවැකි කියන්නට අවශ‍යය නැත. එය නිතැතින්ම සිදුවන්නකි.

8.5/10 ක් ලොව හොදම චිත්‍රපටි 250 අතුරින් 52 වන තැනහිමි කරගන්නා මෙම චිත්‍රපටිය Crime , Thriller ඝනයට අයත් සිනමා සිත්තමකි.Leonardo DiCaprio (Billy Costigan) / Matt Damon(Colin Sullivan) / Jack Nicholson (Frank Costello) / Mark Wahlberg (Staff Sgt. Dignam) නම් වු මේ දක්ශ නලුවන් සිව්දෙනා චිත්‍රපටිය පුරාවටම ප්‍රේක්ශකයා ඒකෙරෙහි ඇද බැද තබාගන්නට නිතැතින්ම සමත් වෙයි. ඇත්තටම ඔවුන්ගේ රංගනයෙන් අතිශයින්ම තාත්විකයි. කේබල් රංගනයෙන් තොර තාත්වික ක්‍රියාදාම කැටි කරගත් අභවය සිද්ධි වලින් තොර මෙම චිත්‍රපටිය බාගන්නට ඔබ තවමත් සිතන්නේද..?

Frank Costello බොස්ටන් පොලිසියට අවශය පාතාල නායකයෙකි . ඔහු අල්ලාගැනීමට පොලීසිය එවන් පසුබිමකම හැදීවැඩුනු Billy Costigan රහස් ඒජන්තවරයකු ලෙස Frank Costello වෙත යවයි. මේ පිලිබද දන්නේ Staff Sgt. Dignam හා Cpt. Queenan යන උසස් නිලධාරින් දෙදෙනා පමණි. මේ අතර Frank Costello තමාව පොලිස් උගුල්වලට හසුවීම වලක්වා ගැනීමට ඔහුගේ අතකොලුවෙකු වන Colin Sullivan පොලිසියට එවයි.Colin Sullivan පාතල නායකයාට ඔත්තු සපයමින් විවිධ කූට වැඩ කරමින් සිටියි. මේ අතර පොලිසි සිතුවාටත් වඩා හොදට Billy Costigan ඔහුට පැවරූ කාර්යය ඉටුකරයි. කෙසේ හෝ Billy Costigan හා Colin Sullivan දෙදෙනාට ලැබෙන ඉගි මත එකිනෙකා පසුපස හබායයි… වෙඩි තැබීම් , රහස් මෙහෙයුම් අතරේ ආදරයද නැතුවාම නෙවෙයි.

Billy Costigan අවසානයේ ඔහුගේ මෙහෙයුම සාර්ථකව නිමකරාවිද..? Frank Costello කොටුවෙයිද..? Colin Sullivan තම ස්වාමියා වෙනුවෙන් කුමක් කරාවිද…? Staff Sgt. Dignam හා Cpt. Queenan අවශය වු පරිදි මෙම සටනේ අවසානය දකින්නට හැකිවෙයිද..?… මේ සියල්ලටම ඔබට පිලිතුරු ලැබේවි බාගෙනම බලන්න….Martin Scorsese ගේ චිත්‍රපටි වල ඔහුට ආවේනික ගුණාංගයක් ඇත. ඒ ප්‍රේක්ශකයා නොසිතන, කම්පනයට ලක්කරන අවසානය. නමුත් කිවයුතුයි..මෙම චිත්‍රපටියේ අවසානය ඔබව කම්පනයෙනුත් කම්පනයට ලක්කරන බව නොඅනුමානයි.

ච්ත්‍රපටි නරබන්නෙක් හැටියට ඔබෙන් කවුරුන් හෝ ඇහුවොත් ” ඔබ Martin Scorseseගේ DEPARTED බැලුවාද ? ” කියා.. ඔබට ” නෑ ” කියන්නට සිදුවුවහොත් ඇත්තටම ඔබට දුක හිතෙවී… මේක ඒ තරමටම පට්ට පතුරු බයිස්කෝප් එකක්…

අවවාදයයි : මේ චිත්‍රපටිය එක දිගට බලලා ඉවරකරන්න.. කොටස් වශයෙන් බැලුවොත් ඇත්තටම අපරාධයක්… ඒ වගේම බලන්න කලින් තැනින් තැන බලන්නත් එපා…

Due to copyright issues, we do not provide any torrent link.

මෙම ලබා දී ඇති උපසිරැසි DVD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ඉසුරු උදාන අබේසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2010/02/05